सासवड, जि. पुणे : महाराष्ट्र विधानसभा सदस्य.. आमदार असे लिहीलेले आणि मध्यभागी अशोकस्तंभ असे हिरव्या रंगाचे अगदी आमदारांच्या वाहानावर जसे स्टिकर असते, असेच स्टिकर लावलेले एक चारचाकी वाहन पोलीसांना काही दिवसांपासून येथे दिसून आले. त्या त्या वेळी पाठलाग करुनही वाहन सापडले नव्हते.
त्यासंदर्भाने आज (ता.15) सासवड शहरात जेजुरी मार्गावरील जेजुरी नाक्यावर नाकाबंदी व तपासणी पोलीसांनी सुरु केली होती. त्यावेळी हे आमदारांचे स्टीकर लावलेले वाहन अखेर पोलीसांना सापडले. 'याला आमदार झाल्यासारखं वाटतंय..' पण अखेर पकडलं पोलिसांनी अशीच ही घटना म्हणावी लागेल !
पोलीसांनी या कारवाईत क्रेटा प्रकारचे वाहन पकडले. त्यामध्ये कोणीही आमदार नव्हते. तसेच वाहन जो चालवित होता, त्या वाहनाच्या मालकाचे नाव ऋतुराज गायकवाड (रा. काळेवाडी - दिवे, ता. पुरंदर) असे आहे. त्याचे नाव वाहन ताब्यात घेऊन छायाचित्र काढले. मग कोणत्याही आममदारांच्या मालकीचे हे वाहन नसल्याने वाहतुक नियमानुसार स्टिकर काढून जप्त केला.
या क्रेटा वाहनाला फॅन्सी नंबर प्लेट लावलेली आहे. चालकाकडे वाहन चालवण्याचा परवाना देखील नाही. त्यामुळे मोटार वाहन कायद्याप्रमाणे 6 हजार 500 रुपये दंड करण्यात आला आहे., अशी माहिती सासवड पोलीस ठाण्याचे पोलीस निरीक्षक अण्णासाहेब घोलप यांनी दिली. अशा पद्धतीने कोणीही स्टिकर लावून दुरुपयोग करीत असतील, फॅन्सी नंबर प्लेट असतील, वाहन कायद्यातील कलमांचे उल्लंघन केले तर याहून कडक कारवाई होईल., असा इशारा पोलीसांनी यानिमित्त दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.