सबस्क्राईब करा
निरगुडसर - भरधाव वेगाने जाणाऱ्या पिकअप गाडीने रस्त्यावरील दुचाकीला मागून जोरदार धडक दिल्याने दुचाकीवरील दोघांचा जागीच मृत्यू झाल्याची घटना नागापूर-वळती (ता.आंबेगाव) रस्त्यावर मीना नदी पुलाजवळ कोळीफाटा येथे सोमवार (ता. २९) रोजी रात्री सव्वाआठ वाजण्याच्या सुमारास घडली.
यामध्ये दुचाकीस्वार सोपान एकनाथ दिघे (वय-३३) रा. वळती व सोबत असणाऱ्या ओळख न पटलेली अज्ञात व्यक्ती अशा एकूण दोघांचा जागीच मृत्यू झाला आहे. अपघाताला कारणीभूत ठरलेल्या पिकअप गाडी चालक अभिषेक खंडू जाधव (रा. वळती) यावर पारगाव पोलिसांनी गुन्हा दाखल केला आहे.
नागापूर (ता. आंबेगाव) येथील कोळी फाट्यावर असणाऱ्या रस्त्यावर सोमवारी रात्री सव्वा आठ वाजण्याची सुमारास पारगाव येथून आपल्या कामावरून सोपान दिघे हे घरी वळती या ठिकाणी जात होते. त्यांच्या सोबत दुचाकीवर एक अज्ञात व्यक्तीही बसलेला होता.
पुलाच्या जवळ काही अंतरावर असताना पाठीमागून मंचर बाजूकडून येणारी पिकअप गाडी (नंबर एम एच १४ के क्यू ८०७९) या गाडीने सोपान एकनाथ दिघे हे जात असलेल्या (एम एच १४ आर ३४९७) या दुचाकीला पाठीमागून जोरदार धडक दिली.
त्यामध्ये पिकअप गाडीने त्या दोघांमधील एकाला शंभर फूट अंतरावर फरफटत नेले. या अपघातामध्ये सोपान दिघे यांच्या डोक्याला व खांद्यास तसेच अनोळखी व्यक्तीच्या डोक्यास गंभीर मार लागल्याने दोघांचाही जागीच मृत्यू झाला. याबाबतची खबर पारगाव पोलिस ठाण्यात निलेश एकनाथ दिघे यांनी दिली असून पुढील तपास पारगाव पोलिस करत आहे.
मृत्यू झालेल्या अज्ञात व्यक्तीची ओळख पटेना
वळती (ता. आंबेगाव) येथील सोपान दिघे हे पारगाव येथील फरशीच्या दुकानात काम करतात. ते दुकानातून घरी जाताना एकटेच निघालेच होते.परंतु अपघात झाल्या ठिकाणी त्यांचा दुचाकीवर एक अज्ञात व्यक्ती बसलेला होता.
यामध्ये त्या अज्ञात व्यक्तीचाही मृत्यू झाला. या व्यक्तीचा फोटो पोलिसांनी परिसरातील अनेक गावात पाठवला. परंतु या व्यक्तीची काही ओळख पटलेली नाही. त्यामुळे दिघे यांनी अज्ञात प्रवाशाला लिफ्ट दिली असल्याचा अंदाज व्यक्त होत असून, यात त्याचा जीव गेला आहे. अशा दोघांच्या मृत्युने परिसरात हळहळ व्यक्त होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.