शिक्रापूर - पिंपळे जगताप (ता. शिरूर) येथील शिक्रापूर-चाकण रस्त्यावर झालेल्या मोटार व दुचाकीच्या धडकेत महिलेचा मृत्यू झाला. अश्विनी गणेश सासवडे असे मृत महिलेचे नाव आहे. तिचा मुलगा रुद्र सासवडे याने प्रसंगावधान राखून दुचाकीवरून उडी मारल्याने सुदैवाने तो बचावला. दरम्यान, अपघातग्रस्त चारचाकीचा चालक घटनेनंतर फरारी झाला. शिक्रापूर पोलिसांनी मोटारचालकावर गुन्हा दाखल केला आहे.