गाडीच्या व्यवहारात फसवलं म्हणून बाप-लेकानं एजंटला केलं किडनॅप!

पुणे : वाहन विक्रीच्या व्यवहारामध्ये मध्यस्थी करून फसवणूक केल्यामुळे बाप-लेकाने मध्यस्थी करणाऱ्या वाहन विक्री एजंटचे गुरुवारी (ता.५) अपहरण केल्याचा धक्कादायक प्रकार घडला. एजंटकडे पैशांची मागणी करीत त्यांनी एजंटला सोडून दिले. याप्रकरणी मार्केटयार्ड पोलिस ठाण्यात बाप-लेकाविरुद्ध गुन्हा दाखल झाला आहे. 

- अनाधिकृतपणे कारागृहाबाहेर वास्तव्य केल्याप्रकरणी बारामतीमध्ये एकावर गुन्हा​

रविकांत मोरे (वय 45) असे अपहरण केलेल्या व्यक्तीचे नाव आहे. तर बसप्पा कुंभार आणि श्रीकांत बसप्पा कुंभार (दोघेही रा. जत, सांगली) अशी गुन्हा दाखल झालेल्यांची नावे आहेत. पोलिसांनी दिलेल्या माहितीनुसार, फिर्यादी रविकांत मोरे हा वाहन विक्री एजंट आहे. काही दिवसांपूर्वी त्यांनी एका वाहनाची बसप्पा कुंभार यांना विक्री केली होती. त्यांच्याकडून पैसेही घेतले. संबंधित वाहन मोरे यांनी तोडकर नावाच्या एका व्यक्तीकडून घेऊन ते परस्पर साळुंके नावाच्या व्यक्तीला विकले. त्यामुळे साळुंकेने कुंभार यांना विकलेले वाहन पोलिसांच्या मदतीने सोडवून नेले.

- पुण्यात आणखी एका ठिकाणी आग; 500 रहिवाशांना सुखरुप बाहेर काढलं

या सगळ्या गोंधळात कुंभारची मोरे याने आर्थिक फसवणूक केली. त्यामुळे कुंभार बाप-लेकाने मोरे याला गुरुवारी मार्केट यार्ड परिसरातून त्यांच्या गाडीत उचलून नेले. त्याचबरोबर त्यांच्याकडे पैशांची मागणी केली. त्यानंतर त्यांनी मोरेची सुटका केली. त्यानंर मोरे याने थेट पोलिस ठाणे गाठून दोघांविरुद्ध फिर्याद दिली. मार्केट यार्ड पोलिस आरोपींच्या मागावर आहेत. या प्रकरणाचा तपास पोलिस उपनिरीक्षक अमोल कदम करीत आहेत.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)