माले (पुणे) : मुळशी धरण परिसरात दोन वेगवेगळ्या घटनांमध्ये सोमवारी बुडून दोघांचा मृत्यू झाला. दोघांचेही मृतदेह मंगळवारी सापडले.
वळणे येथील घटनेत किशोर अनंता फाटक (वय ४२, रा. शिरवली, ता. मुळशी) याचा, तर ढोकळवाडी येथे अरुणाचल प्रज बिहारी (वय २०, रा. उत्तर प्रदेश) याचा मृत्यू झाला आहे.
किशोर व त्याचे मित्र सोमवारी वळणे येथे, तर अरुणाचल व त्याचे मित्र ढोकळवाडी येथे मुळशी धरणाच्या पाण्याजवळ फिरण्यास गेले होते. यावेळी ते पाण्यात बुडाले. या दोन्ही घटनांमध्ये परिसरात दारुच्या बाटल्या आढळल्या आहेत. त्यामुळे दारू पिऊन पोहण्याच्या प्रयत्नात ते बुडाले असल्याचा प्राथमिक अंदाज पोलिसांनी वर्तवला आहे. सोमवारी अंधार व पाऊस असल्यामुळे शोधकार्यात अडथळे आले. मंगळवारी सकाळी पुन्हा शोध घेण्यात आला. दुपारी दोन वाजताच्या सुमारास किशोर याचा मृतदेह आढळून आला. तर तीन वाजता अरुणाचल याचा मृतदेह सापडला.
पोलिस उपनिरीक्षक अनिल लवटे, हवालदार मंगेश लांडगे, मुळशी आपत्ती व्यवस्थापन समितीचे कार्यकर्ते व अग्नीशमन दलाच्या जवान, स्थानिक युवक यांनी शोध कार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.