पुणे महापालिकेचे लसीकरण आज बंद

पुणे - शासनाकडून महापालिकेला (Municipal) (सोमवारी) कोरोना प्रतिबंधक लस (Corona Preventive Vaccine) उपलब्ध होऊ शकलेली नाही. त्यामुळे आज (मंगळवारी) (Tuesday) महापालिकेच्या केंद्रांवरील लसीकरण बंद (Close) असणार असल्याचे महापौर मुरलीधर मोहोळ (Murlidhar Mohol) यांनी सांगितले. (Vaccination Close in Pune on Tomorrow Tuesday)

शहरात महापालिकेतर्फे ४५ च्या पुढील वयोगटातील नागरिकांचे प्राधान्याने लसीकरण सुरू आहे. शासनाकडून शनिवारी १३ हजार डोस उपलब्ध झाले होते, त्यानुसार गेल्या दोन दिवसांपासून लसीकरण सुरू होते. सध्या महापालिकेकडे मोजके डोस उपलब्ध आहेत, त्यातून लसीकरण करणे शक्य नसल्याने मंगळवारचे लसीकरण बंद ठेवण्याचा निर्णय घेतला आहे. मंगळवारी लस उपलब्ध झाल्यास लसीकरणाचे पुढील नियोजन जाहीर केले जाणार आहे.

दरम्यान सोमवारी शहरामध्ये ७ हजार १६७ जणांचे लसीकरण झाले आहे. त्यामध्ये आरोग्य कर्मचाऱ्यांचा पहिला डोस ८७, दुसरा डोस १८, फ्रंट लाईन कर्मचारी पहिला डोस ३८१, दुसरा डोस ३३, ज्येष्ठ नागरिकांचा पहिला डोस १ हजार ५४२, दुसरा डोस ७, ४५ ते ५९ वयोगटात पहिला डोस ३ हजार ३३९, दुसरा डोस १४ आणि १८ ते ४४ वयोगटातील १ हजार ७४६ जणांना पहिला डोस देण्यात आला आहे. १६ जानेवारी ते २४ मे या कालावधीत ९ लाख ६६ हजार ५४३ जणांना लस देण्यात आली आहे.