पुण्यात आज ५६ केंद्रांवर कोविशिल्ड, १६ कोव्हॅक्सिनचे लसीकरण

पुणे: कोरोना प्रतिबंधक लसीकरण मोहिमेंतंर्गत उद्या (ता. ९) ५६ केंद्रांवर लसीकरण सुरू राहणार आहे. सर्व डोस हे कोविशिल्डचे असून उपलब्ध साठ्यापैकी ६० टक्के लस ४५ वर्षे वयावरील नागरिकांना पहिला डोस देण्यासाठी राखीव असणार आहे. तर कोव्हॅक्सिन लस १६ केंद्रांवर उपलब्ध असणार आहे. (Vaccination of Covishield and 16 covaxin vaccine at 56 centers in Pune today)

४५ वर्षे वयापुढील नागरिकांनी १७ मार्चपूर्वी पहिला डोस घेतला आहे, त्यांना बुधवारी कोविशिल्डची लस मिळू शकणार आहे. ६० टक्के लस ही ४५ वर्षे पुढील नागरिकांना पहिल्या डोससाठी देणार आहे. मात्र, यासाठी बुधवारी सकाळी ८ वाजता ऑनलाइन बुकिंग करता येऊ शकेल. उर्वरित लस ही दिव्यांग, स्तनदा माता, हेल्थकेअर, फ्रंट लाईन वर्कर्स यांना प्राधान्याने दिली जाईल. कोव्हॅक्सिनचे लसीकरण १६ केंद्रांवर सुरू राहणार आहे. उपलब्ध साठ्यापैकी १२ मे पूर्वी ज्यांनी पहिला डोस घेतला आहे, अशा ६० टक्के नागरीकांना दुसरा डोस देण्यास प्राधान्य राहणार आहे. तर उर्वरित ४० टक्के लस ही ‘ऑन द स्पॉट’ नोंदणी करून दिली जाणार आहे.