PSI Result 2024 : भाजी विक्रेत्या दाम्पत्याचा मुलगा बनला पोलीस उपनिरीक्षक

निरगुडसर (ता.आंबेगाव) : येथील भाजी विक्रेत्या दाम्पत्याचा मुलगा प्रशांत बबन दांगट हा प्रतिकूल परिस्थितीवर मात करत पोलीस उपनिरीक्षक झाला,त्याबद्दल निरगुडसर गावाने जंगी मिरवणूक काढत कौतुक सोहळा साजरा केला.

निरगुडसर येथील बबन व संगीता दांगट या भाजी विक्रेत्या दाम्पत्याचा प्रशांत हा मुलगा,प्रशांत पोलिस उपनिरीक्षक बनल्याने मित्रपरिवार,श्रीराम प्रतिष्ठान निरगुडसर,गावकऱ्यांनी एकत्र येत त्याची गावातून जंगी मिरवणूक काढली.

कुठलाही क्लास न लावता त्याने मिळवलेले यश अनेकांसाठी प्रेरणादायी असल्याने निरगुडसर ग्रामपंचायत,शालेय व्यवस्थापन समिती निरगुडसर,पंडित जवाहरलाल नेहरू विद्यालय व दत्तात्रय गोविंदराव वळसे पाटील महाविद्यालय,जिल्हा परिषद प्राथमिक शाळा निरगुडसर यासह विविध ठिकाणी प्रशांत दांगट यांचा सत्कार व सन्मान करण्यात आला.

त्यानंतर प्रशांत दांगट सदस्य असलेल्या श्रीराम प्रतिष्ठान व गावकऱ्यांनी (ता.१५) ऑगस्ट रोजी जंगी मिरवणूक काढली या मिरवणुकीचे नियोजन श्रीराम प्रतिष्ठान निरगुडसर यांच्या वतीने करण्यात आले होते,यावेळी निरगुडसर,मेंगडेवाडी गावातील ग्रामस्थ,महिला,तरुण मोठ्या संख्येने उपस्थित होते.फोटो खाली ओळ:निरगुडसर (ता.आंबेगाव):भाजी विक्रेत्या दाम्पत्याचा मुलगा पोलीस उपनिरीक्षक झाल्याने गावाने जंगी मिरवणूक काढली.