वेल्हे,(पुणे ) : तोरणा, वेल्हे, पानशेतसह,गुंजवणी धरण परिसरासह राजगड तालुक्यासह आज रविवारी ( ता.१९) रोजी सायंकाळी वीजेच्या कडकटासह जोरदार वादळी पावसाने झोडपले. अनेक शेतकर्‍यांच्या घरावरील कौले, पत्रे उडाली असून मोठी झाडे फळझाडे कोसळली आहेत.
ठिक ठिकाणी वीजेचे खांब तारा झाडे कोसळल्याच्या घटना घडल्याने तालुक्यातील चाळीस गावांचा विद्युत पुरवठा खंडित झाला आहे. वेल्हे बुद्रुक, तोरणा, रांजणे खामगाव ,पाबे ,कादवे ,पानशेत परिसरातील ४० हुन गावातील वीज पुरवठा खंडित झाला आहे.
वेल्हे बुद्रुक ( ता. राजगड) येथे प्रसाद लायगुडे यांच्या घरावर मोठे झाड कोसळले. तर विकास गायखे यांच्या घरावरील पत्रे वादळी वार्‍याने दोनशे फुट लांब उडून गेले मात्र घरातील माणसे सुरक्षित होती. तर वेल्हे रेस्ट हाऊस समोरील बाथरूम पावसात उडून गेले.. वेल्हे बुद्रुक व परिसरात ठिकठिकाणी चार वीजेचे खांब कोसळले.
वेल्हे बाजारपेठ ते पंचायत समिती रस्त्यावर वीजेचा खांब कोसळल्याने वाहतूक बंद करण्यात आली. किल्ले तोरणा, गुंजवणी धरण परिसरासह पानशेत, वरसगाव, खोऱ्यात सांयकाळी पासून रात्री साडे आठ पर्यंत मान्सून सारख्या पावसाच्या सरी कोसळत होत्या.
वेल्हे बुद्रुकचे माजी सरपंच संतोष मोरे म्हणाले, जोरदार वाऱ्यासह पाऊस कोसळत आहे. वाऱ्यामुळे अनेक जणांचे छप्पर उडून घराचे नुकसान झाले आहे.अंत्रोली येथील शेतकरी अक्षय राऊत म्हणाले, मोठ्या वादळी पावसामुळे आंबा फळ झाडांचे मोठे नुकसान झाले असून सततच्या पावसामुळे उन्हाळी पीके वाया गेली आहेत.
याबाबत माजी जिल्हा परिषद सदस्य रेवणनाथ दारवटकर म्हणाले, शेता शिवरात जोरदार पावसामुळे चिखल झाला आहे त्यामुळे खरीप मशागतीची कामे ठप्प झाली असून शेतकर्‍यांच्या शेती सह फळझाडे, घरांचे मोठे नुकसान झाले असून महसूल व कृषी विभागाने तात्काळ संयुक्त पंचनामे करावेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.