सबस्क्राईब करा
चाकण - ‘राष्ट्रवादी काँग्रेसच्या अजित पवार गटाचे भोसरीचे माजी आमदार विलास लांडे यांनी पिंपरी-चिंचवड महानगरपालिकेचे काही नगरसेवक शरद पवार यांच्यासाठी स्वतःहून बैठका घेत आहेत.
नगरसेवकांची लोणावळा येथे नुकतीच बैठक झाली. यावेळी लांडे उपस्थित होते. त्याचे पुरावेही आहेत. त्यांच्यात हिंमत असेल तर खेड-आळंदी विधानसभेची निवडणूक माझ्या विरोधात लढवावी,’ असे आमदार दिलीप मोहिते यांनी भोसरीचे माजी आमदार विलास लांडे यांना खुले आवाहन दिले आहे.
चाकण (ता. खेड) येथे शनिवारी (ता. ३) आयोजित केलेल्या पत्रकार परिषदेत आमदार दिलीप मोहिते बोलत होते. खेड तालुक्यात येत्या विधानसभेच्या निवडणुकीसाठी अनेकजण इच्छुक आहेत. खेड-आळंदी विधानसभा मतदारसंघात महायुतीचे उमेदवार म्हणून आमदार दिलीप मोहिते यांची उमेदवारी निश्चित आहे.
त्यांच्या विरोधात महाविकास आघाडीचे उमेदवार असणार आहेत. त्यांच्यात खरी लढत होणार आहे. या मतदारसंघात राष्ट्रवादी शरदचंद्र पवार पक्षाला उमेदवाराला उमेदवारी मिळणार आहे.
माजी उपमुख्यमंत्री आर. आर पाटील गृहमंत्री असताना विलास लांडे यांनी ज्येष्ठ नेते शरद पवार व आर. आर पाटील यांना माझ्याबद्दल खोटे सांगून मला व माझ्या कार्यकर्त्यांना त्रास दिला होता. माझ्या विरोधात खोटे सांगून शरद पवारांचे मतही माझ्याबद्दल वाईट बनवले होते. लोकसभेच्या निवडणुकीत त्यांनी बरोबर राहून पक्षाच्या उमेदवाराच्या विरोधात काम केलेले आहे.
- दिलीप मोहिते, आमदार
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.