वडगाव शेरी - पदपथावर टाकण्यात आलेला कचरा, वाढलेले गवत, सर्वत्र उखडलेले रस्ते आणि पसरलेली खडी, जागोजागी असलेले पालापाचोळ्याचे ढिग, रस्त्यावर लटकलेल्या केबल, पदपथावर बस्तान मांडलेले भिकारी, जागोजागी चिटकवलेल्या आणि लटकवलेल्या अनधिकृत जाहिराती यामुळे संपूर्ण विमाननगरला बकालपणा आला आहे. मागील अनेक वर्षापासून हीच परिस्थिती कायम असल्यामुळे रहिवाशांच्या मनात रोष निर्माण झाला आहे.