वाघोली : वाघोलीतील वाघेश्वर मंदिर परिसरात महामार्गालगत सुशोभीकरण करण्यात आले आहे. नुकतेच आय लव्ह वाघोली हे विद्युत रोषणाईतील नाव उभारण्यात आले असून त्याचा लोकार्पण सोहळा बुधवारी आहे. यामुळे हा सेल्फी पॉईंट आकर्षण ठरणार आहे.
तळ्याभोवती भिंत, महामार्गालगत सुशोभीकरण करण्यात आल्याने वाघेश्वर मंदिर परिसर सौंदर्याने नटले आहे. महामार्गावरून जाणारे इथे आकर्षित झाल्या शिवाय राहणार नाही. तत्कालीन उपसरपंच महेंद्र भाडळे यांनी स्वखर्चातून आय लव्ह वाघोली व शिव शंभो ही विद्युत रोषणाईतील दोन नावे उभारली आहे. सुशोभीकरणही त्यांनी स्वखर्चाने केले आहे.
"सुशोभीकरणाने मंदिराचे सौंदर्य अधिक खुलले आहे. मात्र तळ्याभोवती असणाऱ्या कमी उंचीच्या भिंती मुळे तळ्यात तोल जाऊन पडण्याचा धोका आहे. या भिंतीवर पी एम आर डी ए ने संरक्षित जाळी तातडीने उभारावी".- राजेंद्र सातव, माजी उपसरपंच, वाघोली.
"स्वखर्चातून मी हा सेल्फी पॉईंट तयार केला आहे. सुशोभीकरण ही स्वखर्चातून केले आहे. भिंतीवर संरक्षित जाळी उभारण्याचे काम उद्यापर्यंत पूर्ण होईल. 25 तारखेला लोकार्पण सोहळा आयोजित केला आहे. हा सेल्फी पॉईंट वाघोलीकरासह महामार्गावरून जाणाऱ्यांना नक्कीच आकर्षित करेल." - महेंद्र भाडळे, तत्कालीन उपसरपंच, वाघोली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
