वाघोली - वाघोली-लोहगाव भामा आसखेड पाणी योजनेतून वाघोलीत प्रती व्यक्ती १३५ लीटर पाणी मिळणार आहे. मात्र त्यासाठी किमान ३० महिने वाट पाहावी लागणार आहे. या योजनेच्या अंतर्गत जलवाहिनी कामाचे भूमिपूजन आमदार अशोक पवार यांच्या हस्ते बुधवारी सायंकाळी झाले.
भामा आसखेड योजनेतील मुख्य जलवाहिनी लोहगाव पर्यंत आली आहे. लोहगाव पासून वाघोलीसाठी पाणी पुरवठा करण्यासाठी पुणे महापालिकेने सुमारे २३० कोटी रुपयांची तरतूद केली आहे. यामध्ये मुख्य जलवाहिनी, अंतर्गत जलवाहिनी व पाण्याच्या टाक्यांचा समावेश आहे. बुधवारी अंतर्गत जलवाहिनी कामाचे भूमिपूजन आमदार अशोक पवार यांच्या हस्ते लोहगाव रोड वरील सुयोग निसर्ग सोसायटी जवळ पार पडले. या प्रसंगी शिवदास उबाळे, वसुंधरा उबाळे, ज्योती पाचरणे, सोसायटी धारक, महापालीका अधिकारी उपस्थित होते.
पाणी पुरवठा योजने विषयी
लोहगाव - वाघोली पाणी पुरवठा योजना
एकूण तरतूद - २३० कोटी रुपये
एकूण पाणी पुरवठा - २२१ लाख लिटर
एकूण नवीन टाक्या - सहा
पाणी पुरवठा विषयी
प्रति व्यक्ती १३५ लिटर पाणी पुरवठा
यासाठी ४८० किलोमीटर जलवाहिनी
एकूण टाक्यांचा वायर - १२ ( नवीन - सहा, जुन्या - सहा )
लोहगाव येथे ४५ लाख लिटर क्षमतेची टाकी
या ठिकाणी असणार पाण्याच्या नवीन टाक्या
१) बाजारतळ
२) आयव्ही इस्टेट
३) कटकेवाडी
४) डायमंड वॉटर पार्क
५) तलाठी ऑफीस
६) टाटा शोरूम मागे
कामाची मुदत
कामाची मुदत 30 महिने
अंतर्गत जलवाहीनी ४८० किमी
मुख्य जलवाहीनी लोहगाव ते वाघोली
ठेकेदार - अरिहंत कन्स्ट्रक्शन
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.