इंदापूर: शासनाने राज्यात मद्यालये, सर्व शासकीय कामे, उदघाटने तसेच विविध कार्यक्रमास कोरोना महामारीत परवानगी दिली मात्र गेली अनेक दिवस कोरोना संसर्गाचे कारण पुढे करत राज्यातील मंदीरे बंद केली आहेत. त्यामुळे शासनाने आठ दिवसात मंदीरे खुली न केल्यास तीव्र आंदोलन छेडण्याचा इशारा इंदापूर इंद्रेश्वर मंदिरात घंटानाद करून भारतीय जनता पार्टी ओबीसी मोर्चाकडून देण्यात आला. भाजपा ओबीसी मोर्चाचे तालुकाध्यक्ष पांडुरंग शिंदे यांच्या नेतृत्वाखाली हे आंदोलन झाले.
यावेळी पांडुरंग शिंदे म्हणाले, राज्यशासनाने कोरोनाच्या नावाखाली सर्व मंदिरे बंद केली मात्र शासनाचे सर्व कार्यक्रम, उदघाटने चालू आहेत. पंढरपूरची पोटनिवडणूक देखील कोरोना असताना झाली, मात्र हिंदू धर्मातील श्रावण महिना चालू असताना सर्व भाविक भक्तांना मंदिरात जाऊन महादेवाची पूजाअर्चा करता येत नाही. आपणा सर्वांचे श्रद्धास्थान असणाऱ्या शिवपार्वती मंदिरामध्ये शासनाने येण्यास बंदी घातली आहे.त्यामुळे शासनाचा आम्ही निषेध करत आहे. शासनाने येत्या आठ दिवसात मंदिरे खुली न केल्यास तीव्र आंदोलन करु असा इशारा शिंदे यांनी दिला. यावेळी प्रेमकुमार जगताप, सचिन कदम, लक्ष्मण कोलते, रवी सुतार, अशोक व्यवहारे ,बाळू भिसे, सुरेश सुतार, ओंकार हिंगमीरे ,भागवत राऊत, संतोष सुतार उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
