पुणे - शुक्रवार पेठेतील चिंचेच्या तालमीजवळ एका सदनिकेत ज्येष्ठ दांपत्य मृतावस्थेत आढळले होते. या घटनेत पतीने पत्नीचा नाडीने गळा आवळून खून करून आत्महत्या केल्याचे पोलिस तपासात समोर आले आहे.
हेमंत रामकृष्ण थोरात (वय ६४) आणि त्यांची पत्नी सुनीता थोरात (वय ५८, दोघे रा. चिंचेची तालीम, शुक्रवार पेठ) असे दांपत्याचे नाव आहे.
रविवारी सकाळी थोरात यांच्या घराचा दरवाजा बंद असल्यामुळे शेजाऱ्यांनी बाहेरून हाक दिली. परंतु आतून कोणीही प्रतिसाद दिला नाही. ही बाब शेजाऱ्यांनी खडक पोलिसांना कळविली. पोलिस घटनास्थळी पोचले असता त्यांना सुनीता बेडवर बेशुद्धावस्थेत पडलेल्या होत्या. तर, हेमंत यांनी गळफास घेऊन आत्महत्या केली होती. पोलिसांनी दांपत्यास ससून रुग्णालयात दाखल केले. परंतु उपचारापूर्वीच त्यांचा मृत्यू झाल्याचे डॉक्टरांनी सांगितले.
शवविच्छेदन अहवालानुसार पती हेमंत यांनी पत्नीचा नाडीने गळा आवळून खून केल्याचे समोर आले आहे. सुनीता काही वर्षांपासून आजारी होत्या. याबाबत सहायक पोलिस निरीक्षक लक्ष्मण निवृत्ती सोनवणे यांनी फिर्याद दिली आहे. त्यावरून खडक पोलिसांनी मृत पतीविरुद्ध गुन्हा दाखल केला आहे. त्यांची मुले अमेरिकेहून परतल्यानंतर मंगळवारी या दांपत्यावर अंत्यसंस्कार करण्यात आल्याची माहिती सहायक निरीक्षक सोनवणे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
