![Crime](http://media.assettype.com/esakal%2F2021-04%2F0d2bd2ec-8e5f-454a-bfbd-498307eac9a3%2Fcrime_news.jpg?rect=0%2C0%2C960%2C540&w=480&auto=format%2Ccompress&fit=max)
वाघोली - गांजा विक्रीसाठी बाळगणाऱ्या महिलेला दाखल गुन्ह्यात अटक केल्यानंतर महिला पोलीस कर्मचारी कामात व्यस्त असताना नजर चुकवून तिने पोलीस लोणीकंद पोलीस ठाण्यातून धुम ठोकली. याबाबत पुन्हा तिच्यावर गुन्हा दाखल करण्यात आला आहे.
पोलीसांनी दिलेल्या माहितीनुसार, वाघोली येथील गायरान वस्ती येथे होत असलेल्या गांजा विक्रीबाबत माहिती मिळाल्यानंतर २५ एप्रिल रोजी रात्री उशिरा लोणीकंद पोलीसांनी छापा टाकून १ किलो ३२९ ग्रॅम गांजा जप्त केला. गांजा बाळगणारी महिला छकुली राहुल सुकळे (वय २४, रा. वाघोली) हिच्यावर गुन्हा दाखल करण्यात आला.
रात्रीची वेळ असल्याने महिलेला अटक न करता तिला नोटीस देण्यात आली. २६ एप्रिल रोजी सकाळी साडे अकराच्या सुमारास महिलेस अटक करून अटकेबाबत नोंद घेण्यात आली. तिला महिला पोलीस कर्मचाऱ्याकडे ताब्यात देण्यात आले. दुपारी १२ च्या सुमारास त्या महिला पोलीस कर्मचारी सीसीटीएनएस कक्षामध्ये काम करीत असताना छकुली सुकळे ही नजर चुकवून पळून गेली.
ती पळून गेल्याचे लक्षात येताच त्यांनी पोलीस ठाण्याच्या आवारात व परिसरात शोध घेतला. मात्र ती सापडली नाही. यानंतर पळून गेल्या प्रकरणी तिच्यावर गुन्हा दाखल करण्यात आला. पुढील तपास लोणीकंद पोलीस करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.