पुणे : शहरातील येरवडा परिसरात धक्कादायक प्रकार समोर आला आहे. हॉटेलमधील अंडी चोरल्याचा संशयावरून कपडे उतरवण्यास भाग पाडल्याचा संतापजनक प्रकार महिला कर्मचाऱ्यासोबत घडला.
पुण्यातील हॉटेल पार्क ऑर्नेटच्या कुकने हॉटेलमधील ५० वर्षीय महिला कामगारावर अंडी चोरीचा आरोप केला. यानंतर महिलेचा विनयभंग देखील करण्यात आला. मुकेश सिंह पुंन्डील असे विनयभंग करणाऱ्या आरोपीचे नाव आहे.
आरोपी पुंडील हा पार्क आॕरनेट या हॉटेलमध्ये किचन मध्ये शेफचे काम करत असून पिडीत महिला याच हॉटेलमध्ये कामाला आहे. आरोपीने पीडित महिलेला तू अंडी कुठे लपवून ठेवले आहेस अशी विचारणा करत तिची अंग झडती घेऊन तिला कपडे उतरण्यास भाग पाडले. पीडित महिलेचा आरोपीने रस्ता अडवून तिच्यावर शेरेबाजी करून तिची विनयभंग देखील केला.
या प्रकरणी येरवडा पोलिसात गुन्हा दाखल करण्यात आला आहे. येरवडा पोलिस या घटनेचा अधिकचा तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
