पुणे : भवानी पेठेतील भवानी माता मंदिर परिसरात सतत कमी दाबाने आणि अपुरा पाणीपुरवठा होत असून, मागिल दोन दिवसांपासून पाणी न आल्यामुळे नागरिकांनी आज (दि. २३ मार्च २०२२) आंदोलन केले. सीमा खेडेकर, भावना मकवाना, मयुरी राजकोंडा यांच्यासह परिसरातील शेकडो महिला मोठ्या संख्येने आंदोलनात सहभागी झाल्या होत्या.तसेच 553 भवानी पेठ भागात विनोद शेलार, मिरा कोबिनिअर, कल्पना खवळे यांच्या घरात तर पाणी येत नसल्याची तक्रार यावेळी त्यांनी केली आहे.
यावेळी संतप्त झालेल्या महिलांनी पाणी देता कोणी पाणी असा गलका केला. पाणी आमच्या हक्काचे, नाही कोणाच्या बापाचे अशा घोषणा देत स्थानिक लोकप्रतिनिधी आणि प्रशासनाला धारेवर धरले. नगरसेवकांनी आतापर्यंत आश्वासनापलिकडे काहीही दिले नाही. त्यामुळे आमच्यावर आता आंदोलन करण्याची वेळ आल्याचे महिलांनी सांगितले.
दरम्यान, मागिल दोन महिन्यांपासून रस्ते खोदाई करताना अनेक ठिकाणी जलवाहिनी फुटली आहे, तर काही ठिकाणच्या जलवाहिनी जुन्या झाल्याने गंजल्या आहेत. त्यामुळे पाणी गळती होत असल्याने कमी दाबाने पाणी येते. प्रशासनाने जीर्ण आणि जुनी जलवाहिनी बदलून तातडीने नव्या जलवाहिनी टाकून पाणीपुरवठा सुरळीत करावा, असे राष्ट्रवादीचे जुबेर बाबू शेख यांनी यावेळी सांगितले.या संबंधित भवानी पेठ क्षेत्रीय कार्यालयाचे अधिकारी महापालिका सहाय्यक आयुक्त गणेश सोनुने यांनी सांगितले की पाणी पुरवठा अधिकारी अधिकाऱ्यांना या समस्येबाबत सूचना देण्यात आली आहे, यावेळी त्यांनी पाहणी केली असून लवकरच या भागाचा पाणीपुरवठा सुरळीत केला जाईल असे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.