सबस्क्राईब करा
पुणे - पुणे शहराला कोरोनामुळे फक्त आर्थिक फटकाच बसला नाही, तर हे शहर किमान पाच ते दहा वर्षांनी मागे गेले आहे. या शहराच्या वाढीला गती देणाऱ्या अनेक महत्त्वाकांक्षी प्रकल्पांना सुरूवात होणे या वर्षी अपेक्षित होते. परंतु, त्यांचे भवितव्य अंधारात आहे. हीच परिस्थिती आणखी किती दिवस राहणार; त्यावर या प्रकल्पांचे भवितव्य ठरणार आहे.
- पुण्याच्या बातम्या वाचण्यासाठी येथे ► क्लिक करा
कोरोनाचा प्रादुर्भाव रोखण्यासाठी राज्य सरकारने २३ मार्च रोजी पहिला लॉकडाउन केला. परिणामी शहराचे अर्थचक्र थांबले. स्थानिक स्वराज्य संस्थांच्या उत्पन्नावरही त्याचा परिणाम झाला. अनलॉकनंतर परिस्थीतीमध्ये काही सुधारणा होईल, अशी अपेक्षा होती. परंतु महामारीची साथ आटोक्‍यात येण्याची चिन्हे दिसत नाही. सर्व यंत्रणा त्यातच अडकून पडल्या आहेत. त्यातून आता आर्थिक आणीबाणीसदृश परिस्थिती निर्माण झाली आहे.
चालू वर्षीच्या (२०२०-२१) अर्थसंकल्पात सर्व विभागांसाठी एकूण तरतुदीच्या ३३ टक्के रक्कम उपलब्ध करून देण्याचा निर्णय राज्य सरकारने घेतला आहे. त्यामुळे जेवढ्या योजना पुढे ढकलता येण्यासारख्या आहेत, त्या ढकला, अशा सूचना यापूर्वीच राज्य सरकारने दिल्या आहेत.
नियोजित काही प्रकल्प हे बीओटी तत्त्वावर हाती घेण्यात आले असले, तरी त्यासाठी किमान भूसंपादनाचा खर्च राज्य सरकार अथवा स्थानिक स्वराज्य संस्थांना करावायाचा आहे, तर काही प्रकल्पांच्या कामांमध्ये सरकारकडून निधी उपलब्ध करून दिला जाणार होता. हा खर्च टप्प्याटप्प्याने करावा लागणार असला, तरी किमान या वर्षी हे प्रकल्प सुरू होण्याची अपेक्षा होती.
पुरंदरचे आंतरराष्ट्रीय विमानतळ
‘एसएसआरडीसी’चा रिंगरोड
‘पीएमआरडीए’चा रिंगरोड
महामेट्रो आणि पीएमआरडीए मेट्रो
झोपडपट्ट्यांचे पुनर्वसन
‘एचसीएमटीआर’ रस्ता
‘जायका’ प्रकल्प
बीडीपी (जैवविविधता पार्क)
शहराच्या विकासात महत्त्वाकांक्षी प्रकल्प भर घालणार आहेत. त्यापैकी काही प्रकल्पांची कामे या वर्षी किमान सुरू होणार होती. परंतु, कोरोनामुळे शहराचा विकास किमान काही वर्षे तरी रोखला गेला.
- सतीश मगर, अध्यक्ष, क्रेडाई इंडिया
कोरोनाचा आर्थिक दुष्परिणाम जसा कंपन्यांवर झाला आहे, तसा तो सरकारला मिळणाऱ्या उत्पन्नावरही झाला आहे. मिळणाऱ्या उत्पन्नातून इतर विकास प्रकल्पांवर खर्च करण्यापेक्षा आरोग्याच्या पायाभूत सुविधांना प्राधान्य दिले गेले आहे.
- प्रदीप भार्गव, अध्यक्ष, मराठा चेंबर्स ऑफ कॉमर्स, इंडस्ट्रीज ॲण्ड ॲग्रिकल्चर
Edited By - Prashant Patil
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.