Pune News : पैसे चोरल्याच्या आरोपावरून गुप्तांगावर लाथ मारल्यामुळे एका कामगाराचा मृत्यू झाल्याची घटना वडगाव येथील जाधवनगर परिसरात घडली. या प्रकरणी सिंहगड रस्ता पोलिसांनी एकाला ताब्यात घेतले आहे.
संदीप राजाराम पाटील (वय ५६, रा. महादेवनगर, वडगाव) असे मृत्युमुखी पडलेल्याचे नाव आहे. पोलिसांनी प्रसद गोपाळ कारेकर (वय ३७, रा. जाधवनगर, वडगाव) या संशयिताला ताब्यात घेतले आहे. याबाबत गुन्हा दाखल करण्याचे काम सुरू आहे.
वरिष्ठ पोलिस निरीक्षक अभय महाजन यांनी दिलेल्या माहितीनुसार, संशयित आरोपी कारेकर याची टपरी असून, तो चोरून दारू विक्री करीत होता. त्याला यापूर्वी शहरातून तडीपार करण्यात आले होते.
संदीप त्याच्याकडे कचरावेचक म्हणून कामास होता. पैसे चोरल्याच्या आरोपावरून कारेकरने बुधवारी दुपारी संदीपला मारहाण केली. या मारहाणीत संदीपच्या गुप्तांगावर लाथ बसली. त्यानंतर रात्री साडेअकराच्या सुमारास संदीप टपरीच्या जवळच पडला होता. दारू पिऊन पडल्याचे समजून त्याच्याकडे दुर्लक्ष केले.
परंतु नंतर त्याचा मृत्यू झाल्याचे लक्षात आले. या घटनेची माहिती मिळताच परिमंडळ तीनचे पोलिस उपायुक्त संभाजी कदम, सहायक पोलिस आयुक्त अप्पासाहेब शेवाळे, वरिष्ठ पोलिस निरीक्षक अभय महाजन यांनी घटनास्थळी धाव घेतली. पुढील तपास पोलिस निरीक्षक जयंत राजूरकर (गुन्हे) करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.