Pune News : विश्वकरंडकासाठी ग्रामदैवत कसबा गणपतीला साकडे

पुणे - एकदिवसीय क्रिकेट विश्वचषक स्पर्धेत भारताने अंतिम फेरीत धडक मारली असून, रविवारी (ता.१९) होणाऱ्या अंतिम सामन्यात विश्वकरंडकावर भारतानेच नाव कोरावे यासाठी शनिवारी ग्रामदैवत श्री कसबा गणपतीला साकडे घालण्यात आले.

पुणे शहर काँग्रेसचे सरचिटणीस अमित बागूल यांच्यातर्फे कसबा गणपतीची आरती करण्यात आली. यावेळी नंदकुमार बानगुडे,महेश ढवळे, अभिषेक बागूल, इम्तियाज तांबोळी, सुनील भोसले, सुरेश कांबळे आदी उपस्थित होते.

यावेळी मंदिराबाहेर जल्लोष करून भारतीय क्रिकेट संघाला शुभेच्छाही देण्यात आल्या. यंदाच्या विश्वकरंडकावर भारताचे नाव कोरले जाईल, असा आशावाद संपूर्ण देशात आहे.त्यासाठी स्थानिक क्रिकेट खेळाडूंसमवेत कसबा गणपतीच्या चरणी प्रार्थना करण्यात आली.