किराणा हवा आहे... फक्त क्लिक करा ! 

पुणे: किराणा माल घ्यायचा आहे... दुकानात जाऊन यादी द्यायची... मग तेवढा वेळ थांबायचे आणि मग परतायचे... ही प्रक्रिया आता वेबसाईटद्वारे काही मिनिटांत पूर्ण करता येणार आहे... ग्राहकाने फक्त जाऊन किराणा घेऊन यायचा. सॉफ्टवेअरद्वारे किराणा खरेदीचा हा प्रयोग दोन दिवसांपूर्वी  शहरात सुरू झाला आहे. 

- बातम्या ऐकण्यासाठी डाऊनलोड करा ई-सकाळचे ऍप
http://www.kiranaq.com या संकेतस्थळावर त्या साठी ग्राहक आणि किराणा दुकानदार यांनी नोंदणी करायची आहे. ग्राहकाने संकेतस्थळावर त्याच्या घराजवळील किराणा दुकान निवडायचे. संकेतस्थळावर सुमारे 3 हजार वस्तूंची यादी आहे. त्यातून ग्राहकांनी त्यांना हव्या असलेल्या वस्तूंची निवड करायची. ती यादी संबधित दुकानदाराला त्याच्या मोबाईलवरील व्हॉटसअप वर जाते. त्याने त्या वस्तूंचे पॅकिंग पूर्ण केले की, एका लिंकवर क्लिक करायचे. त्या मुळे ग्राहकाला बिल किती झाले आहे, हे समजते. ती रक्कम तो रोख किंवा डिजीटल पेमेंटद्वारे देऊ शकतो. दुकानात पॅक केलेला माल त्याने स्वतः जाऊन घेतल्यावर व्यवहार पूर्ण होतो. 

- खूप महत्त्वाचं : कोरोना लॉकडाऊनमुळे सुधारतोय 'ओझोन'चा थर, शास्त्रज्ञ म्हणतायत... सॉफ्टवेअर डेव्हलपर अजित थडानी या बाबत म्हणाले, "कोरोनाच्या संसर्गाच्या भीतीमुळे नागरिकांना दुकानांत थांबावे लागू नये, या साठी हे सॉफ्टवेअर उपयुक्त ठरेल. त्यात कोणालाही कसलेही शुल्क द्यावे लागत नाही. सामाजिक जवाबदारीच्या भावनेतून आम्ही हे सॉफ्टवेअर तयार केले आहे." सोशल मीडियावरून आम्ही त्याचा प्रसार करीत असून त्याला किराणा दुकानदार तसेच नागरिकांकडून मोठा प्रतिसाद मिळत आहे, असेही त्यांनी सांगितले. 

- Fight with Corona : पाकमधील हिंदू-ख्रिश्चनांना शाहिद आफ्रिदीचा मदतीचा हात!