Pune Crime: पुण्यात फेसबुकवर आक्षेपार्ह मजकूर प्रसारित केल्याप्रकरणी तरुणाला अटक

पुणे - फेसबुकवर आक्षेपार्ह मजकूर प्रसारित केल्याप्रकरणी समर्थ पोलिसांनी एका तरुणाला अटक केली. या संदर्भात पोलिस हवालदार जितेंद्र दत्तात्रेय पवार यांनी समर्थ पोलिस ठाण्यात फिर्याद दिली आहे.

त्यानुसार नाना पेठेतील एका ३८ वर्षीय तरुणाला अटक करण्यात आली आहे. या तरुणाने मोबाईलवरून १३ जून रोजी रात्री फेसबुकवर धार्मिक भावना दुखावणारा आक्षेपार्ह मजकूर पोस्ट केला.

ही बाब पोलिसांच्या लक्षात आल्यानंतर पोलिसांनी त्याला अटक केली. त्याच्याविरुद्ध जातीय तेढ निर्माण करणे आणि माहिती-तंत्रज्ञान कायद्यान्वये गुन्हा दाखल करण्यात आला आहे. गुन्हे शाखेचे पोलिस निरीक्षक प्रमोद वाघमारे पुढील तपास करीत आहेत.