Assembly Elections 2022 : देशातील पाच राज्यांच्या विधानसभा निवणुकांचे निकाल आज जाहीर झाले. या निवडणुकीत पंजाबमध्ये (Punjab) आपला आणि गोवा, मणिपुर, उत्तराखंड आणि उत्तर प्रदेशमध्ये (Uttar Pradesh) भाजप आघाडीवर आहे. या निवडणूक निकालानंतर देशातील राजकीय वातावरण ढवळूम निघालं आहे. या एकूण सर्व निवडणूक निकालांमध्ये सर्वात जास्त चर्चा होतेय, ती आम आदमी पक्षाच्या विजयाची. पंजाबमध्ये (Punjab) आम आदमी पक्ष तब्बल ९० जागांवर आघाडीवर आहे. यापूर्वी १२ जागा मिळवलेल्या आम आदमी पक्षाने (Aam Aadmi in Punjab) एवढी मोठी मुसंडी मारल्याने देशभरातील राजकीय वर्तुळात हा सध्या आम आदमी पक्षाचीच चर्चा सुरु आहे. आम आदमी पक्षाने अत्यंत सामान्य कुटुंबातून येणाऱ्या लोकांना तिकीट दिलं होतं. यामध्ये मुख्यत: चन्नींना (CM Charanjit Singh Channi) पराभुत करणाऱ्या आप उमेदवाराचं मोठं कौतुक होतंय.
पंजाबचे मुख्यमंत्री चरणजित सिंग चन्नी यांनी दोन जागांवर निवडणूक लढली. यातील एकाही ठिकाणी त्यांना विजय मिळवता आला नाही. भदौर मतदार संघातून चन्नींच्या विरोधात भाजपने एका सामान्य पार्श्वभूमीतून येणाऱ्या कार्यकर्त्याला तिकीट दिलं होतं. त्या लाभ सिंग उगोके या उमेदवारानं चन्नींना पराभूत केलं. याबद्दल बोलताना केजरीवाल म्हणाले, चरणजित सिंग चन्नी यांच्या पराभवावरून आपची ताकद दिसून येते. एका मोबाईल रिपेअर करणाऱ्या सामान्य कुटुंबातील व्यक्तीनं थेट मुख्यमंत्र्याला हारवलं. त्यांच्याविरोधात कुणी मोठा नेता नव्हता.
दरम्यान, काँग्रेसला मोठा पराभव स्वीकारावा लागला आहे. पंजाबमध्ये ७७ आमदार असलेल्या काँग्रेसला (Congress) दारून पराभव स्विकारावा लागला आहे. एकूण पाच राज्यांत मिळून देखील काँग्रेसला शंभरी पार करता आलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.