नवी दिल्ली : केंद्रीय अर्थसंकल्पापूर्वी देशातील ७ कोटींहून अधिक कर्मचारी भविष्यनिर्वाह निधी संघटना (ईपीएफओ) सदस्यांसाठी आनंदाची बातमी आहे. केंद्रीय अर्थ मंत्रालयाने पीएफवरील ठेवींवरील व्याजदरात वाढ करण्यास मंजुरी दिली आहे. त्यामुळं आता पीएफवर ८.२५ टक्के इतक्या दरानं व्याज मिळणार आहे. (EPFO Now 8 percent interest on PF More than 7 crore employees will get benefits)
फेब्रुवारीत ईपीएफओनं २०२३-२४ वर्षासाठी ८.२५ टक्के व्याज देण्याची घोषणा केली होती, त्याला गुरुवारी अर्थमंत्रालयाने मंजुरी दिली. ईपीएफओकडून याबाबत एक्सवर माहिती देण्यात आली आहे. ईपीएफओबाबत निर्णय घेणाऱ्या सेंट्रल बोर्ड ऑफ ट्रस्टीजने (सीबीटी) फेब्रुवारी महिन्यात २०२३-२४ या आर्थिक वर्षासाठी पीएफवरील व्याजदरात ०.१० टक्के वाढ करण्याचा निर्णय घेतला होता.
त्यानुसार गतवर्षीच्या तुलनेत व्याजदरात वाढ करुन तो ८.१५ वरून ८.२५ टक्के करण्यात आला. याबाबतचा प्रस्ताव त्यांनी केंद्रीय अर्थमंत्रालयाकडे पाठविला होता, आता त्यास मंजुरी मिळाली आहे. पीएफधारकांना वर्षातून एकदाच म्हणजे ३१ मार्च रोजी पीएफवर व्याज दिलं जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
