पेंट आणि कोटिंग्ज उत्पादन कंपनी अक्झो नोबेल इंडिया लिमिटेडने (Akzo Nobel ltd) नुकतीच लाभांशाची घोषणा केली आहे. कंपनीच्या बोर्डाने 2023-24 या आर्थिक वर्षासाठी प्रति इक्विटी शेअर 25 रुपयांच्या अंतिम लाभांशाची शिफारस केली आहे. आगामी 70 व्या वार्षिक सर्वसाधारण सभेत याला भागधारकांच्या मंजुरीची आवश्यकता असेल.
कंपनीने तिमाही निकालही जाहीर केले आहेत. कंपनीच्या शेअर्समध्ये नुकतीच 0.34 टक्क्यांची किंचित वाढ झाली. बीएसईवर हा शेअर 2560.40 रुपयांवर ट्रेड करत आहे. यासह कंपनीचे मार्केट कॅप 11,660 कोटी झाले आहे.
अक्झो नोबेल इंडियाच्या बोर्डानेही या लाभांशाची रेकॉर्ड डेट जाहीर केली आहे. या लाभांशासाठी भागधारकांची पात्रता ठरवण्यासाठी, 25 जुलै 2024 ही रेकॉर्ड डेट म्हणून निश्चित करण्यात आली आहे.
अलीकडील लाभांशासह, 2023-24 साठी एकूण लाभांश 75 रुपये प्रति शेअर असेल, ज्यामध्ये 50 रुपये प्रति शेअर अंतरिम लाभांशाचाही समावेश आहे. अक्झो नोबेल इंडिया लिमिटेडने 30 ऑगस्ट 2000 पासून 30 लाभांश जाहीर केले आहेत. सध्याच्या शेअरच्या किमतीवर,अक्झो नोबेल इंडियाचे लाभांश उत्पन्न 3.52% आहे.
अक्झो नोबेल इंडियाचा आर्थिक वर्ष 2024 च्या जानेवारी-मार्च तिमाहीत निव्वळ नफा वार्षिक 14 टक्क्यांनी वाढून 108.7 कोटी झाला आहे. कंपनीने नियामक फायलिंगमध्ये म्हटले आहे की गेल्या वर्षी याच तिमाहीत 95.4 कोटीचा नफा झाला होता. या कालावधीत कंपनीचा महसूल 2.3 टक्क्यांनी वाढून 973.4 कोटी झाला आहे,
जो एका वर्षापूर्वी याच तिमाहीत 951.4 कोटी होता. या आर्थिक वर्षाच्या चौथ्या तिमाहीत कंपनीचा एबिटदा मागील आर्थिक वर्षाच्या चौथ्या तिमाहीत 154.7 कोटींवरून 4.5 टक्क्यांनी वाढून 161.7 कोटी झाला आहे. तिमाहीत एबिटदा मार्जिन 16.6 टक्के होते, तर एका वर्षापूर्वी याच तिमाहीत ते 16.3 टक्के होते.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.