Air India Offer: टाटा समूहाची विमान कंपनी एअर इंडियाने धमाकेदार ऑफर सुरू केली आहे. या ऑफरमध्ये तुम्ही रेल्वे तिकीटाच्या पैशात विमानाने प्रवास करू शकता. एअर इंडियाने यासाठी खास विक्री सुरू केली आहे, जी काही दिवसांसाठीच आहे.
ही विक्री 20 ऑगस्ट 2023 रोजी संपेल. एअर इंडियाच्या वेबसाइट (airindia.com) आणि मोबाइल अॅपद्वारे तिकीट बुक करण्यासाठी कोणतेही सेवा शुल्क आकारले जाणार नाही.
अधिकृत ट्रॅव्हल एजंट एअर इंडिया वेबसाइट आणि मोबाइल अॅप व्यतिरिक्त ऑनलाइन ट्रॅव्हल एजंट (OTAs) द्वारे देखील तिकीट बुक करू शकतात. विक्री अंतर्गत जागा मर्यादित आहेत आणि प्रथम येणाऱ्यास प्राधान्य या तत्त्वावर ही ऑफर उपलब्ध आहेत.
टाटा ग्रुप एअरलाइन्सच्या या ऑफरमध्ये तुम्हाला देशांतर्गत फ्लाइटचे एकेरी इकॉनॉमी क्लासचे तिकीट 1,470 रुपयांमध्ये मिळू शकते. त्याच वेळी, देशांतर्गत उड्डाणांसाठी बिझनेस क्लासची तिकिटे 10,130 रुपयांपासून सुरू होत आहेत. कंपनीने आंतरराष्ट्रीय उड्डाणांसाठीही अशाच आकर्षक ऑफर दिल्या आहेत.
एअर इंडियाच्या या विशेष विक्रीचा लाभ घेऊन तुम्ही तुमच्या भविष्यातील सहलींची योजना देखील करू शकता. यासाठी, जर तुम्ही एअर इंडियाच्या वेबसाइट किंवा मोबाइल अॅपद्वारे तिकीट बुक केले तर तुम्हाला कोणतेही सुविधा शुल्क आकारले जाणार नाही.
या कालावधीसाठी तिकीट काढता येईल
तुम्ही अधिकृत ट्रॅव्हल एजंट किंवा ऑनलाइन ट्रॅव्हल एजंटद्वारे तिकीट बुक केल्यास, तुम्हाला तरीही ऑफरचा लाभ मिळेल परंतु तुम्हाला सुविधा शुल्क भरावे लागेल.
एअर इंडियाची ही विशेष विक्री आजपासून सुरू झाली असून 20 ऑगस्ट रोजी रात्री 11.59 वाजेपर्यंत सुरू राहील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
