मुंबई : आरबीआयने रेपो दरात वाढ केल्याने बँकांनीही ठेवींवरील व्याजदरात वाढ केली आहे. रेपो दर २.५ टक्क्यांनी वाढून ६.५० टक्के झाला आहे. रेपो दर वाढवण्याचे दोन मोठे परिणाम आहेत.
पहिला परिणाम म्हणजे कर्ज महाग होते. दुसरा परिणाम म्हणजे ठेवींवरील व्याजदर वाढतात. यामुळेच गेल्या काही महिन्यांपासून मुदत ठेवींवरील (एफडी) व्याजदरात लक्षणीय वाढ झाली आहे. अतिरिक्त व्याजदराचा लाभ ज्येष्ठ नागरिकांनाही मिळत आहे. ( banks with high interest rates )
बहुतेक बँका आणि NBFC ज्येष्ठ नागरिकांना सामान्य व्याजदरापेक्षा अर्धा टक्का जास्त व्याजदर देतात. अशाप्रकारे ज्येष्ठ नागरिकांना FD वर जास्त व्याज मिळू शकते. आज आपण अशा ३ बँकांबद्दल जाणून घेऊ ज्या ज्येष्ठ नागरिकांना ८ ते ८.५ टक्के व्याजदर देतात. हेही वाचा - नेट बँकिंग खात्यात ठेवा कमी रक्कम...जाणून घ्या कारण
पंजाब अँड सिंध बँक
PSB ने २१ फेब्रुवारी २०२३ रोजी FD वरील व्याजदर (PSB FD Rates) वाढवले होते. पंजाब आणि सिंध बँकेच्या उत्कर्ष २२२ दिवसांच्या योजनेत ज्येष्ठ नागरिकांना ८.५० टक्के व्याजदर मिळू शकतो.
त्यापेक्षा अति ज्येष्ठ नागरिकांना ८.८५ टक्क्यांपर्यंत व्याज मिळू शकते. त्याच वेळी, ज्येष्ठ नागरिकांना PSB शानदार ३०० दिवस ठेव योजनेमध्ये ८ टक्के पर्यंत व्याजदर मिळू शकतो. या योजनेत अति ज्येष्ठ नागरिकांना ८.३५ टक्के परतावा मिळू शकतो.
हे ऑफलाइन मोडमध्ये जमा करण्यासाठी आहे. तर, ऑनलाइन मोडमध्ये ज्येष्ठ नागरिकांना ८.२५ टक्के आणि अति ज्येष्ठ नागरिकांना ८.६० टक्के परतावा मिळू शकतो.
पंजाब नॅशनल बँक
PNB ने २० फेब्रुवारी २०२३ पासून २ कोटी रुपयांपेक्षा कमी ठेवींवर व्याजदर वाढवले आहेत. बँक ज्येष्ठ नागरिकांना ६६६ दिवसांच्या कालावधीसाठी ७.७५ टक्के व्याजदर देत आहे. तर, अति ज्येष्ठ नागरिकांना ८.०५ टक्क्यांपर्यंत व्याज मिळू शकते.
त्याच वेळी, पीएनबी उत्तम (नॉन-कॅलेबल) फिक्स्ड डिपॉझिट स्कीममध्ये (१५ लाखांपेक्षा जास्त ठेवींवर), बँक ज्येष्ठ नागरिकांना ७.८० टक्के व्याज देत आहे. त्याच वेळी, अति ज्येष्ठ नागरिकांसाठी व्याजदर ८.१० टक्के आहे.
युनियन बँक ऑफ इंडिया
युनियन बँक ऑफ इंडियाने २५ नोव्हेंबर २०२२ रोजी एफडीवरील व्याजदरात शेवटची वाढ केली होती. युनियन बँक ऑफ इंडिया ८०० दिवस आणि ३ वर्षांच्या FD वर ७.३० टक्के व्याज दर देत आहे.
या कालावधीत ज्येष्ठ नागरिकांना ७.८० टक्के व्याज दिले जात आहे. त्याच वेळी, अति ज्येष्ठ नागरिक या कालावधीत ८.०५ टक्के व्याजदराचा लाभ घेऊ शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
