AI startup Krutrim becomes India's first unicorn: एआय अर्थात आर्टिफिशियल इंटेलिजन्सच्या बाबतीत भारताला पहिला एआय युनिकॉर्न मिळाला आहे. Ola च्या नवीन AI स्टार्टअप 'कृत्रिम AI' ला 50 दशलक्ष डॉलर (सुमारे 415 कोटी रुपये) निधी मिळाला आहे. यासोबतच याला देशातील पहिल्या एआय युनिकॉर्नचा दर्जाही मिळाला आहे.
कंपनीने एका निवेदनात म्हटले आहे की, उभारलेल्या निधीमुळे AI लँडस्केपमध्ये क्रांती घडवून आणणे, नवीन कल्पनांना चालना देणे आणि जागतिक स्तरावर ओळख निर्माण करणे या कंपनीच्या मिशनला गती मिळण्यास मदत होईल.
आर्टिफिशियलचे संस्थापक, ओलाचे भाविश अग्रवाल म्हणाले, "भारताला स्वतःचे एआय तयार करायचे आहे आणि आम्ही देशातील पहिला पूर्ण एआय कंप्युटिंग स्टॅक तयार करणार आहोत."
कृत्रिम AIची वैशिष्ट्ये
कृत्रिम AIला बंगळुरू आणि सॅन फ्रान्सिस्को येथील शास्त्रज्ञांच्या टीमने प्रशिक्षित केले आहे. कृत्रिम मॉडेल दुसऱ्या भाषांमध्ये सहजपणे स्विच करू शकते आणि बंगाली कवितांपासून ते बॉलीवूड चित्रपटांपर्यंत तसेच पाककृतींपर्यंतच्या विषयांवर चर्चा करू शकते. आर्टिफिशियल फेब्रुवारी 2024 मध्ये वापरकर्त्यांसाठी उपलब्ध होईल.
गेल्या आर्थिक वर्षात (2022-23), Ola ब्रँड अंतर्गत कार्यरत ANI Technologies चा तोटा 772.25 कोटी रुपयांवर आला आहे. 2021-22 या आर्थिक वर्षात कंपनीचा तोटा 1,522.33 कोटी रुपये होता. शेअर बाजाराला दिलेल्या माहितीत कंपनीने सांगितले की, तिचे उत्पन्न सुमारे 48 टक्क्यांनी वाढून 2,481.35 कोटी रुपये झाले, जे 2021-22 मध्ये 1,679.54 कोटी रुपये होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
