Employment Union Budget 2024 India: पंतप्रधान मोदींच्या नेतृत्वाखाली एनडीए सरकार स्थापन झाल्यानंतर आज संसदेत पहिला पूर्ण अर्थसंकल्प सादर करण्यात आला. संसदेत अर्थसंकल्प सादर करताना अर्थमंत्री निर्मला सीतारामन यांनी सर्व क्षेत्रांसाठी आणि सर्व स्तरातील लोकांसाठी अनेक मोठ्या घोषणा केल्या. दरम्यान, अर्थमंत्र्यांनी तरुणांना मोठी भेट दिली आहे. अर्थमंत्र्यांनी आपल्या अर्थसंकल्पीय भाषणात सांगितले की, सरकार रोजगार देण्यासाठी तीन प्रोत्साहन योजना आणणार आहे, तीन टप्प्यांत प्रोत्साहन दिले जाईल.
दरम्यान, अर्थमंत्र्यांनी तरुणांसाठी आणखी एक मोठी घोषणा केली आहे. त्यांच्या भाषणादरम्यान, अर्थमंत्री निर्मला सीतारामन म्हणाल्या की सर्व औपचारिक क्षेत्रातील कामगारांना प्रथमच कार्य दलात प्रवेश केल्यावर एक महिन्याचा पगार मिळेल.
एका महिन्याच्या पगाराचे हे थेट लाभ हस्तांतरण (DBT), रु. 15,000 पर्यंत, तीन हप्त्यांमध्ये दिले जाईल. त्यांचा पगार 1 लाख रुपयांपेक्षा कमी असल्यास हा लाभ मिळू शकतो. याचा फायदा 2.1 लाख तरुणांना होईल अशी अपेक्षा आहे.
EPFO अंतर्गत प्रथमच नोंदणी करणाऱ्या कर्मचाऱ्यांना, एका महिन्याच्या पगाराच्या 15,000 रुपयांपर्यंत थेट लाभ हस्तांतरणाद्वारे तीन हप्त्यांमध्ये जारी केले जाईल.
नियोक्ता आणि कर्मचारी दोघांनाही नोकरीच्या पहिल्या चार वर्षांत EPFO योगदान अंतर्गत थेट प्रोत्साहन दिले जाईल.
कृषी क्षेत्रातील उत्पादकता आणि लवचिकता
रोजगार आणि कौशल्ये
सर्वसमावेशक मानव संसाधन विकास आणि सामाजिक न्याय
उत्पादन आणि सेवा
शहर विकास, नागरी विकास
ऊर्जा संवर्धन
पायाभूत सुविधा
नवोपक्रम, संशोधन आणि विकास
नवीन पिढी सुधारणा
अर्थमंत्री निर्मला सीतारामन यांनी सांगितले की, भारतातील आघाडीच्या कंपन्या पाच वर्षांत 1 कोटी तरुणांना कौशल्य प्रशिक्षण देतील. 5,000 रुपयांच्या मासिक मानधनासह 12 महिन्यांची पंतप्रधान इंटर्नशिप सुरू केली जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
