Cohere Layoffs: आर्टिफिशियल इंटेलिजन्स हा विषय गेल्या काही वर्षांपासून चर्चेच्या केंद्रस्थानी आहे. यामुळे नोकऱ्या जाण्याचा धोका वाढत आहे असेही बोलले जात आहे. मात्र आता एका AI कंपनीची चर्चा होत आहे कारण या कंपनीने कर्मचारी कपातीचा निर्णय घेतला आहे.
कोहेरे या जनरेटिव्ह एआय स्टार्टअप कंपनीने कर्मचारी कपातीचा निर्णय घेतला आहे. कंपनीने कर्मचाऱ्यांना याबाबत माहिती दिली आहे. स्टार्टअप कंपनीला मोठा निधी मिळाला असल्यामुळे कंपनीने हा निर्णय घेतला आहे.
फॉर्च्युनच्या अहवालानुसार, स्टार्टअप कोहेरेला या आठवड्यात मंगळवारी 500 दशलक्ष डॉलरचा निधी मिळाला आणि त्यानंतर कंपनीने कर्मचारी कपातीचा निर्णय घेतला. काही तासांपूर्वी कंपनी नवीन भांडवल आणि मूल्यांकन वाढवण्यासाठी चर्चेत होती.
अहवालानुसार, कंपनी आपल्या सुमारे 20 कर्मचाऱ्यांना कामावरून काढत आहे. कंपनीकडे सध्या एकूण 400 कर्मचारी आहेत. म्हणजेच कंपनी आपल्या कर्मचाऱ्यांपैकी सुमारे 5 टक्के कर्मचाऱ्यांना कमी करणार आहे. कंपनीचे सीईओ एडन गोमेझ यांनी कर्मचाऱ्यांना पत्र लिहून त्यांना संभाव्य नोकर कपातीची माहिती दिली आहे.
कंपनीचे सीईओ एडन गोमेझ म्हणाल की, उद्योगात पुढे राहण्यासाठी आणि स्पर्धात्मक राहण्यासाठी, योग्य लोक योग्य ठिकाणी आहेत याची खात्री करणे आवश्यक आहे. यामुळे कंपनी नोकर कपात करत आहे.
त्यांची एआय स्टार्टअप कंपनी भविष्यातही जास्त लोकांना कामावर ठेवणार असल्याची ग्वाही त्यांनी दिली. कंपनीचे लक्ष रिक्त पदे भरणे आणि कंपनीच्या वाढीसाठी निवडलेल्या धोरणात्मक क्षेत्रात नवीन लोकांना आणणे यावर भर देत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
