Google Employees : कर्मचारी कपातीनंतर गुगल कर्मचाऱ्यांना आणखी एक धक्का बसला आहे. सर्च इंजिन दिग्गज कंपनीने कर्मचाऱ्यांना चेतावणी दिली आहे की यावर्षी कमी प्रमाणात पदोन्नती मिळणार आहे.
cnbc.com च्या अहवालानुसार, या वर्षी फक्त डझनभर कर्मचाऱ्यांना वरिष्ठ स्तरावर बढती मिळणार आहे. गुगलने कर्मचाऱ्यांना ईमेलद्वारे ही माहिती दिली आहे.
Google ने Google Reviews and Development (GRAD) नावाची नवीन मुल्यांकन प्रणाली लागू केल्यामुळे हे बदल घडून आले आहेत, ज्यामुळे Google च्या अधिक कर्मचार्‍यांना कमी-कार्यक्षमता रेटिंग मिळतील आणि कमी गुण मिळतील. त्याचा परिणाम त्यांच्या पदोन्नतीवर होणार आहे.
कंपनीने पुढे म्हटले आहे की ते कमी लोकांना वरिष्ठ भूमिकेसाठी पदोन्नती देत आहे "अधिक वरिष्ठ आणि नेतृत्व भूमिकेतील कर्मचाऱ्यांची संख्या कंपनीच्या वाढीच्या प्रमाणात वाढेल याची खात्री करण्यासाठी.
ईमेलमध्ये नमूद करण्यात आले आहे की, "तुमच्या व्यवस्थापकाला तुम्ही पदोन्नतीसाठी तयार आहात असा विश्वास असल्यास, ते तुम्हाला नामनिर्देशित करतील.
जानेवारीमध्ये, Google ने जाहीर केले की ते 12,000 नोकर्‍या कमी करत आहेत. मुख्य कार्यकारी अधिकारी सुंदर पिचाई यांनी सांगितले होते की, काळजीपूर्वक विचार करून कपात करण्यात आली आहे.
"आम्ही आमच्या कर्मचार्‍यांची संख्या अंदाजे 12,000 हजारांनी कमी करण्याचा निर्णय घेतला आहे. प्रभावित झालेल्या यूएसमधील कर्मचार्‍यांना आधीच एक वेगळा ईमेल पाठवला आहे. इतर देशांमध्ये, स्थानिक कायदे आणि पद्धतींमुळे या प्रक्रियेला जास्त वेळ लागेल," असे पिचाई यांनी सांगितले होते.
मेटा, ऍमेझॉन आणि ट्विटर सारख्या इतर टेक दिग्गजांप्रमाणे गुगलने मंदीची चिंता वाढल्याने खर्चात मोठ्या प्रमाणात कपात करत आहे. कंपनीने जानेवारीमध्ये जागतिक स्तरावर 12,000 नोकऱ्या कमी करण्याची योजना जाहीर केली.
नोकरीतील कपातीच्या पहिल्या फेरीचा परिणाम अमेरिकेतील अनेक कर्मचाऱ्यांवर झाला. गुगलचे सीईओ सुंदर पिचाई यांनीही नोकरीतील कपातीकडे लक्ष वेधले आणि सांगितले की Google ही 25 वर्षांची कंपनी आहे आणि ती "कठीण आर्थिक चक्रातून जात आहे",
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
