Future Retail To Liquidate: फ्यूचर रिटेल ही एकेकाळी किशोर बियाणी यांच्या नेतृत्वाखालील फ्युचर ग्रुपची प्रमुख कंपनी होती, आता कंपनीची विक्री होत आहे. कर्जबाजारी कंपनीसाठी योग्य खरेदीदार अद्याप मिळाला नाही.
कर्जबाजारी फ्युचर रिटेलच्या कर्जदारांना योग्य खरेदीदार सापडलेला नाही. कंपनीची कॉर्पोरेट दिवाळखोरी रिझोल्यूशन प्रक्रिया (CIRP) पूर्ण करण्याची अंतिम मुदत चार वेळा वाढवण्यात आली आहे.
असे असूनही, कंपन्यांनी फ्युचर रिटेलमध्ये स्वारस्य दाखवले नाही आणि स्पेस मंत्रा ही कंपनी एकमेव खरेदीदार होती. पण आता स्पेस मंत्राचा रिझोल्यूशन प्लॅन फ्यूचर रिटेलच्या कमिटी ऑफ लेंडर्सने (CoC) नाकारला आहे. फ्युचर रिटेलने शेअर बाजाराला ही माहिती दिली आहे.
फ्यूचर रिटेलने गेल्या महिन्यात स्पेस मंत्राने सादर केलेली 550 कोटी रुपयांची बोली ई-व्होटिंग प्रक्रियेत मते मिळवण्यात अयशस्वी झाली. कॉर्पोरेट दिवाळखोरी रिझोल्यूशन प्रक्रिया पूर्ण करण्यासाठी NCLT ने फ्यूचर रिटेलला चार वेळा मुदतवाढ दिली होती आणि अंतिम तारीख 30 सप्टेंबर 2023 होती. त्यानंतर मुदतवाढ देण्यात आली नाही.
कंपनीवर किती कर्ज आहे?
फ्यूचर रिटेलच्या विरोधात दिवाळखोरीची कारवाई 20 जुलै 2022 रोजी सुरू झाली होती. फ्युचर रिटेलवर सुमारे 30,000 कोटी रुपयांचे कर्ज आहे. कंपनी बिग बाजार, इझीडे आणि फूडहॉल सारख्या ब्रँड अंतर्गत सुपरमार्केट आणि होम सेगमेंटमध्ये अनेक किरकोळ दुकाने चालवत होती. सुमारे 430 शहरांमध्ये कंपनीची 1,500 हून अधिक आउटलेट होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
