Gold Rate Today: महिन्याच्या पहिल्याच दिवशी सोने महागले, काय आहे तुमच्या शहरातील आजचा भाव?

Gold Silver Price Today Latest Update 1 December 2023:

आज 1 डिसेंबर रोजी देशात सोन्या आणि चांदीच्या भावात वाढ झाली आहे. देशात लग्नसराईचा हंगाम सुरू झाला असून मागणी वाढल्याने सोन्याचे भाव वाढू लागले आहेत. 1 ग्रॅम 22 कॅरेट सोन्याची सरासरी किंमत 5,770 रुपये आहे, तर 1 ग्रॅम 24 कॅरेट सोन्याची किंमत 6,295 रुपये आहे. 24 कॅरेट सोन्याच्या 10 ग्रॅमची सरासरी किंमत 62,950 रुपये आहे.

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या

• चेन्नई- 63,820 रुपये

• कोलकत्ता - 62,950 रुपये

• दिल्ली - 63,100 रुपये

• मुंबई - 63,820 रुपये

• पुणे - 63,820 रुपये

• पटना - 63,000 रुपये

सोन्याची शुद्धता कशी ओळखायची:

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

हॉलमार्क (Hallmark):

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी.

सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.