Gold-Silver Price Fall: अमेरिकेच्या अध्यक्षपदाच्या निवडणुकीत डोनाल्ड ट्रम्प यांच्या जोरदार विजयानंतर सोन्या-चांदीच्या भावात घसरण सुरू झाली आहे. सोन्याचा भाव विक्रमी उच्चांकावरून प्रति 10 ग्रॅम सुमारे 3000 रुपयांनी स्वस्त झाला असून चांदीचा भाव सुमारे 6000 रुपयांनी स्वस्त झाला आहे.
दिवाळीपूर्वी सोन्याचा भाव 82,000 रुपये प्रति 10 ग्रॅमच्या जवळ पोहोचला होता. आता तो 79 हजारांवर आला आहे. तसेच चांदीचा भाव किलोमागे एक लाख रुपये झाला होता. आता चांदीचा भाव 94 हजार रुपये प्रति किलोपर्यंत घसरला आहे.