GST Collection: देशातील वस्तू आणि सेवा कर (जीएसटी) संकलनाच्या आकडेवारीने सर्व विक्रम मोडले आहेत आणि सर्वकालीन उच्चांक गाठला आहे. एप्रिल 2024 मध्ये जीएसटी संकलन 2.10 लाख कोटी रुपये झाले आहे. यावेळी जीएसटी संकलनातून मोठा महसूल मिळाला असून सरकारची तिजोरी भरली आहे.
एका महिन्यात प्रथमच GST महसूल 2 लाख कोटी रुपयांच्या पुढे गेला आहे. एप्रिल 2024 मध्ये जीएसटी संकलन 2.10 लाख कोटी रुपये होते, जे ऐतिहासिक संकलन आहे. स्थूल महसुलात वर्ष-दर-वर्ष आधारावर 12.4 टक्के वाढ झाली आहे. परताव्यानंतरचा निव्वळ महसूल पाहिल्यास, तो 1.92 लाख कोटी रुपये आहे, जो वार्षिक आधारावर 17.1 टक्क्यांनी वाढला आहे.
विक्रमी GST संकलनामुळे सरकार खूप खूश आहे आणि अर्थमंत्री निर्मला सीतारामन यांनी ही आकडेवारी त्यांच्या X खात्यावर पोस्ट करून आनंद व्यक्त केला आहे. वस्तू आणि सेवा कर संकलनात ही वाढ देशांतर्गत व्यवहारांमध्ये 13.4 टक्क्यांच्या वाढीनंतर दिसून आली आहे आणि आयातीमध्येही 8.3 टक्के वाढ झाली आहे.
केंद्रीय वस्तू आणि सेवा कर (CGST): रु. 43,846 कोटी
राज्य वस्तू आणि सेवा कर (SGST)- रु. 53,538 कोटी;
एकात्मिक वस्तू आणि सेवा कर (IGST) - रु. 99,623 कोटी, ज्यापैकी रु. 37,826 कोटी आयात केलेल्या वस्तूंमधून जमा झाले.
उपकर: रु. 13,260 कोटी, ज्यापैकी रु. 1008 कोटी आयात वस्तूंमधून जमा झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
