HDFC Bank: एचडीएफसी बँकेच्या ग्राहकांसाठी मोठी बातमी; UPI व्यवहार केल्यास SMS येणार नाही, काय आहे कारण?

HDFC Bank: एचडीएफसी बँकेने जाहीर केले की ते कमी-मूल्याच्या UPI व्यवहारांसाठी मेसेज पाठवणे थांबवणार आहे. HDFC बँकेच्या ग्राहकांना 25 जूनपासून पैसे पाठवताना 100 रुपयांपेक्षा जास्त किमतीच्या UPI व्यवहारांसाठी एसएमएस अलर्ट मिळणे सुरू होईल आणि त्यांना 500 रुपयांपेक्षा जास्त रक्कम मिळाल्यास असाच एसएमएस मिळेल. सर्व व्यवहारांसाठी ईमेल सूचना सुरू राहतील असे बँकेने सांगितले आहे.

एचडीएफसी बँकेच्या ग्राहकांना मेल आणि एसएमएस अलर्टद्वारे खालील सूचना प्राप्त झाल्या, ज्यात असे म्हटले आहे की, 25 जून, 2024 पासून सर्व UPI व्यवहारांची ईमेलवर माहिती मिळेल. आता फक्त 100 रुपयांपेक्षा जास्त व्यवहारांसाठी (पैसे पाठवले आहेत/ देय) आणि 500 (पैसे मिळाले) रुपयांसाठी एसएमएस अलर्ट मिळेल.

एचडीएफसी बँक यामध्ये बदल का करत आहे?

बँकिंग नियमांनुसार, 5,000 रुपयांच्या वरच्या प्रत्येक व्यवहारासाठी एक एसएमएस मिळणे आवश्यक आहे. असे असूनही, अनेक बँका अगदी कमी मूल्याच्या व्यवहारांसाठी संदेश पाठवला जातो. बँकर्सच्या मते, बल्क एसएमएस संदेशाची किंमत प्रति एसएमएस 0.01-0.03 रुपये आहे.

UPI व्यवहारांची दैनंदिन सरासरी सुमारे 40 कोटी रुपये आहे, तर बँका दररोज टेक्स्ट मेसेज अलर्टवर अनेक कोटी खर्च करतात. बँकर्सच्या म्हणण्यानुसार, बल्क एसएमएसची किंमत प्रति एसएमएस 0.01-0.03 रुपये आहे. UPI व्यवहारांची दैनंदिन सरासरी सुमारे 40 कोटी रुपये आहे. त्यामुळे एसएमएस पाठवण्यावर मोठा खर्च होतो.

बँका UPI Lite चा प्रचार का करत आहेत?

याव्यतिरिक्त, बँका वापरकर्त्यांना 500 रुपयांपर्यंतच्या व्यवहारांसाठी UPI लाइट वापरण्यास सांगत आहेत. एचडीएफसी बँक आणि इतर वित्तीय संस्थांना कमी मूल्याच्या व्यवहाराच्या सूचनांची वारंवारता कमी करून खर्च वाचवण्याची आशा आहे, ज्यामुळे ग्राहक सूचना देखील सुलभ होतील.

असा अंदाज आहे की या बदलामुळे ग्राहकांचा अनुभव सुधारेल आणि छोट्या व्यवहारांसाठी UPI लाइटचा अवलंब करण्यास चालना मिळेल. तसेत प्रत्येक UPI व्यवहाराबद्दल सूचना प्राप्त करण्यासाठी ग्राहक त्यांचा ईमेल पत्ता HDFC बँकेकडे नोंदवू शकतात.