HUL GST Notice: देशातील आघाडीची FMCG कंपनी हिंदुस्तान युनिलिव्हर लिमिटेड (HUL) ला एकूण 447.5 कोटी रुपयांची GST नोटीस मिळाली आहे. यात दंडाच्या रकमेचाही समावेश आहे. कंपनीने शेअर बाजारांना पाठवलेल्या पत्रात ही माहिती दिली.
गेल्या आठवड्यात शुक्रवारी आणि शनिवारी वेगवेगळ्या झोनच्या जीएसटी अधिकाऱ्यांकडून एकूण 5 डिमांड नोटिस मिळाल्या. जीएसटी क्रेडिट नाकारणे, परदेशी नागरिकांना दिलेले पगार आणि भत्ते इत्यादी मुद्द्यांवर ही नोटीस पाठवली आहे.
HUL ने सांगितले की, "कंपनीला अनुक्रमे 30 डिसेंबर 2023 आणि 31 डिसेंबर 2023 रोजी ऑर्डर प्राप्त झाल्या आहेत. या आदेशांमध्ये CGST आणि सेंट्रल एक्साईज, मुंबई पूर्व सह आयुक्तांनी परदेशी नागरिकांना 372.82 कोटी रुपयांचा कर आणि 39.90 कोटी रुपयांच्या पगार आणि भत्त्यांचा दंडाचा समावेश आहे.
याशिवाय, बेंगळुरूच्या कमर्शियल टॅक्स ऑफिसच्या उपायुक्तांनी 8.90 कोटी रुपयांचे अतिरिक्त GST क्रेडिट आणि कराच्या आधारावर 89.08 लाख रुपयांच्या दंडाची मागणी केली आहे.
एचयूएलच्या मते, या जीएसटी मागण्या आणि दंडाचा कंपनीच्या आर्थिक आरोग्यावर किंवा व्यवसायावर कोणताही परिणाम होणार नाही. HUL म्हणाले, 'GSTमध्ये करण्यात आलेले आरोप सध्या अपील करण्यायोग्य आहेत आणि आम्ही आमचा अपील करण्याचा अधिकार वापरायचा की नाही याचा विचार करू.'
या बातमीनंतर, मंगळवारी ट्रेडिंग सुरू होताच HUL शेअर्स सुमारे 1 टक्के घसरले. सकाळी 10.15 च्या सुमारास, NSE वर HUL चे शेअर्स 0.94% घसरून रु. 2,629.75 वर व्यवहार करत होते.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
