Income Tax: चक्क 1 कोटींचा घरभाडे भत्ता? आयकर विभागाच्या रडारवर कर्मचारी; असा केला जातो पॅनचा बेकायदेशीर वापर

Income Tax HRA Fraud: आयकर वाचवण्यासाठी अनेक लोक बनावट भाडे पावती वापरतात. गेल्या अनेक वर्षांपासून अनेक लोक अशा प्रकारे कर वाचवत आहेत. आयकर विभागानेही आता अशा लोकांवर कडक कारवाई करण्यास सुरुवात केली आहे.

बनावट भाडे पावत्या सादर करून कर कपातीचा दावा करणाऱ्यांना आयकर विभाग नोटीस पाठवत आहे. आतापर्यंत, किमान 8,000-10,000 मुल्याची प्रकरणे सापडली आहेत ज्यांची रक्कम 10 लाख किंवा त्याहून अधिक आहे.

एका व्यक्तीकडून सुमारे 1 कोटी रुपयांच्या भाड्याच्या पावत्या अधिकाऱ्यांना आढळून आल्याने हे प्रकरण प्रथम उघडकीस आले. या प्रकरणामुळे आयकर विभाग आता सखोल चौकशी करत आहे.

काही व्यक्तींनी त्यांच्या मालकांकडून कर कपातीचा दावा करण्यासाठी पॅन कार्डचा गैरवापर केला होता. काही कंपन्यांच्या कर्मचाऱ्यांनी कर कपातीचा दावा करण्यासाठी एकाच पॅनचा वापर केल्याची प्रकरणे आता अधिकाऱ्यां समोर आली आहेत.

कर वसुलीसाठी बोगस दावे करणाऱ्या कर्मचाऱ्यांचा शोध आयकर विभाग करत असल्याचे कर अधिकाऱ्यांनी सांगितले. हे प्रकरण गुंतागुंतीचे झाले आहे कारण सध्या टीडीएस फक्त 50,000 रुपयांपेक्षा जास्त मासिक भाडे किंवा 6 लाख रुपयांपेक्षा जास्त वार्षिक पेमेंटसाठी लागू आहे. त्यामुळे, कर भरावा लागू नये म्हणून बरेच कर्मचारी लाभाचा गैरवापर करत आहेत.

घरभाडे भत्ता (HRA) म्हणजे काय?

एचआरए हा प्रत्यक्षात कर्मचाऱ्यांना दिलेला भत्ता आहे. नियोक्ता/कंपनी त्याच्या कर्मचाऱ्याला त्यांच्या घराचे भाडे देण्यासाठी हा भत्ता देते. आयकर कायद्याच्या कलम 10(13A) अंतर्गत, HRA वर कर सूट काही मर्यादांच्या अधीन राहून मिळू शकते.

फक्त तीच पगारदार व्यक्ती ज्याच्या पगारात HRA समाविष्ट आहे आणि जो भाड्याच्या घरात राहतो तो HRA च्या स्वरूपात मिळणाऱ्या उत्पन्नावर कर वाचवू शकतो. स्वत:चा रोजगार असलेल्या व्यक्तीला HRA वर कर सवलतीचा लाभ मिळत नाही.

HRA वर कर लाभासाठी कागदपत्रे

जर तुमच्याकडे भाड्याची पावती असेल तरच HRA वर कर सूट मिळू शकते. तुमचा घरमालकाशी भाडे करार असला तरीही तुम्ही त्याचा फायदा घेऊ शकता. तुम्ही दरमहा रु. 15,000 पेक्षा जास्त किंवा भाडे म्हणून प्रति वर्ष 1 लाख पेक्षा जास्त भाडे भरले असल्यास, सवलत मिळविण्यासाठी घरमालकाचा पॅन क्रमांक देणे आवश्यक आहे.