WPI Inflation: सर्वसामान्यांना मोठा धक्का! घाऊक महागाई दर 16 महिन्यांच्या उच्चांकावर, काय आहे कारण?

WPI Inflation Data: वाढत्या महागाईमुळे सर्वसामान्यांना मोठा धक्का बसला आहे. जून महिन्यातील घाऊक महागाई दराची आकडेवारी जाहीर झाली आहे. जून महिन्यात खाद्यपदार्थांच्या किमतीमुळे घाऊक महागाईचा दर 16 महिन्यांच्या उच्चांकावर पोहोचला आहे. घाऊक महागाईचा दर गेल्या महिन्यात 3 टक्क्यांच्या पुढे गेला असून तो 3.36 टक्क्यांवर आला आहे. यापूर्वी मे महिन्यात हा दर 2.61 टक्के होता.

अन्नधान्याच्या महागाई दरात वाढ

प्रामुख्याने खाद्यपदार्थांच्या किमती वाढल्या असून त्याचा परिणाम घाऊक महागाई दरावर झाला आहे. अन्नधान्याचा महागाई दर जूनमध्ये 8.68 टक्के झाला आहे, जो मेमध्ये 7.40 टक्के होता.

महागाई वाढण्याचे कारण काय?

जूनमध्ये महागाई दर वाढण्यामागील मुख्य कारण म्हणजे अन्नधान्य महागाई दर आणि प्राथमिक वस्तूंच्या महागाई दरात झालेली वाढ. उत्पादित उत्पादनांचा महागाई दर एक टक्क्यांपेक्षा कमी होता, तो यावेळी जवळपास दीड टक्क्यांवर पोहोचला असून, त्याचा परिणाम घाऊक महागाई दरावर झाला आहे. अन्नधान्य महागाई वाढीचा दर जूनमध्ये 8.68 टक्के झाला आहे, जो मेमध्ये 7.40 टक्के होता.

वाणिज्य आणि उद्योग मंत्रालयाने जून महिन्यासाठी घाऊक महागाईची आकडेवारी जाहीर केली आहे. मंत्रालयाने जाहीर केलेल्या आकडेवारीनुसार जून महिन्यात महागड्या भाज्यांमुळे घाऊक महागाईचा दर वाढला आहे.

मंत्रालयाने जाहीर केलेल्या निवेदनानुसार, जून 2024 मध्ये महागाई दर सकारात्मक राहिला. महागाई दर वाढण्याचे सर्वात मोठे कारण म्हणजे खाद्यपदार्थांच्या किमती. उत्पादित अन्नपदार्थ, कच्चे पेट्रोलियम पदार्थ आणि नैसर्गिक वायू, खनिज तेल आणि अनेक उत्पादित उत्पादनांच्या किमती वाढल्यामुळे महागाईचा दर वाढला आहे.

'या' वस्तूंच्या किमती वाढल्या

• जून महिन्यात भाज्यांच्या महागाईचा दर 38.76 टक्के होता, तो मे महिन्यात 32.42 टक्के होता.

• तर जूनमध्ये कांद्याचा भाव 93.35 टक्के होता.

• बटाट्याचा भाव 66.37 टक्के होता.

• जूनमध्ये डाळींच्या महागाईचा दर 21.64 टक्क्यांनी वाढला आहे.

• इंधन आणि वीज महागाई दर 1.03 टक्के राहिला, जो मे महिन्याच्या 1.35 टक्क्यांपेक्षा किरकोळ कमी आहे.

• जूनमध्ये उत्पादित उत्पादनांची महागाई 1.43 टक्के होती, जी मे महिन्यात 0.78 टक्क्यांपेक्षा जास्त आहे.

घाऊक महागाई वाढीचा दर किरकोळ महागाई दराच्या आकडेवारीशी सुसंगत आहे. 12 जुलै 2024 रोजी किरकोळ महागाई दर जाहीर करण्यात आली. जूनमध्ये किरकोळ महागाई वाढ 5.1 टक्क्यांच्या उच्चांकावर पोहोचली आहे. रिझर्व्ह बँक ऑफ इंडिया (RBI) चलनविषयक धोरण तयार करताना प्रामुख्याने किरकोळ चलनवाढीचा दर विचारात घेते.