Infosys Company : इन्फोसिस चा नफा आणि महसूल वाढला

मुंबई - आयटी क्षेत्रातील देशातील दुसरी मोठी कंपनी इन्फोसिस चा या तिमाहीतील महसूल सात टक्के वाढला असून तो तज्ञांच्या अंदाजापेक्षा जास्त आहे.

त्यांच्या निव्वळ नफ्यातही गेल्या वर्षीच्या याच तिमाहीच्या तुलनेत तीन टक्के वाढ झाली. त्यांना या तिमाहीत ६,२१२ कोटी रुपये नफा मिळाला. तर त्यांचा या तिमाहीतील महसूल ३८ हजार ९९४ कोटी रुपये होता.

कंपनीने आर्थिक वर्ष २०२४ साठी प्रति शेअरमागे अठरा रुपये हंगामी लाभांश घोषित केला आहे. या दुसऱ्या तिमाहीत कंपनीने ७.७ अब्ज डॉलरची मोठी कामे मिळवल्याचे कंपनीचे सीईओ आणि एमडी सलील पारेख म्हणाले. पहिल्या सहामाहित चांगल्या कामगिरीनंतर आमच्या आधुनिक तंत्रज्ञानाला मोठा प्रतिसाद मिळत असल्याने आमचा बाजारवाटाही वाढत असल्याचे ते म्हणाले.