![Motor Insurance Claim Settlement](http://media.assettype.com/esakal%2F2024-06%2F7ea66bc5-ce70-4ab6-8f4a-ddf9539e1642%2FInsurance_Claim_Settlement.jpg?w=480&auto=format%2Ccompress&fit=max)
Motor Insurance Claim Settlement: भारतीय विमा नियामक आणि विकास प्राधिकरणाने (IRDAI) मोटार विमा घेणाऱ्या ग्राहकांना मोठा दिलासा दिला आहे. IRDAI ने मंगळवारी एक परिपत्रक जारी करून सामान्य जीवन विमा कंपन्यांना विशेष सूचना दिल्या आहेत. हे परिपत्रक जारी झाल्यानंतर आता कागदपत्रांच्या अभावी कंपन्यांना ग्राहकांचे दावे फेटाळता येणार नाहीत.
या परिपत्रकाद्वारे, विमा कंपनीने क्लेम सेटलमेंट प्रक्रिया अधिक सुलभ आणि ग्राहक केंद्रित करण्याचा प्रयत्न केला आहे. यापूर्वी, विमा नियामकाने आरोग्य विम्यासाठी देखील असेच एक मास्टर परिपत्रक जारी केले होते. भारतीय विमा नियामक आणि विकास प्राधिकरण (IRDAI) ने देखील ग्राहकांना चांगली सेवा देण्यासाठी सामान्य विमा कंपन्यांना एक परिपत्रक जारी केले आहे.
IRDAI ने जारी केलेल्या परिपत्रकाद्वारे एकूण 13 जुनी परिपत्रके रद्द करण्यात आली आहेत. या प्रकरणाची माहिती देताना IRDAI ने म्हटले आहे की, हे परिपत्रक जारी झाल्यानंतर आता विमा कंपन्यांना ग्राहकांच्या वैयक्तिक गरजा समजून घेण्यास मदत होईल. याद्वारे कंपन्या ग्राहकांच्या गरजेनुसार विमा उत्पादने लाँच करू शकतील आणि ग्राहकांना पूर्वीपेक्षा अधिक पर्याय मिळतील आणि यामुळे त्यांचा विमा अनुभव सुधारेल.
IRDAI ने जारी केलेल्या परिपत्रकात हे स्पष्ट करण्यात आले आहे की, आता कागदपत्रांच्या अभावामुळे कोणताही मोटार विमा दावा नाकारता येणार नाही. यासोबतच विमा कंपन्यांना केवळ आवश्यक कागदपत्रांची मागणी करण्याच्या सूचनाही देण्यात आल्या आहेत.
यासह, विमा नियामकाने मोटार विमा प्रदान करणाऱ्या कंपन्यांना आरोग्य विम्याच्या धर्तीवर ग्राहकांना ग्राहक माहिती पत्रक (CIS) जारी करण्याचे निर्देश दिले आहेत. या पत्राद्वारे, ग्राहकांना सोप्या शब्दात पॉलिसीचे तपशील जाणून घेण्याची संधी मिळेल. या दस्तऐवजात, विमा कंपन्या ग्राहकांना विमा संरक्षणाची व्याप्ती तसेच ॲड-ऑन, विमा रक्कम, अटी आणि वॉरंटी, दावा प्रक्रिया इत्यादी माहिती दिली जाईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.