InterGlobe Aviation: इंडिगो एअरलाइनची मूळ कंपनी इंटरग्लोब एव्हिएशन विरुद्ध 1,666 कोटींहून अधिक रुपयांची कर मागणी नोटीस जारी करण्यात आली आहे. कंपनीने या कर मागणीला कोर्टात आव्हान देणार असल्याचे म्हटले आहे. आयकर आयुक्त यांनी इंटरग्लोब एव्हिएशन विरुद्ध वर्ष 2016-17 आणि 2017-18 च्या कर मागणीशी संबंधित आदेश जारी केला आहे.
कंपनी योग्य कायदेशीर पावले उचलून या निर्णयाला आव्हान देईल. याशिवाय, इंटरग्लोब एव्हिएशनने म्हटले आहे की वकिलाच्या कायदेशीर सल्ल्यानुसार, प्राधिकरणाने घेतलेले निर्णय कायम राहत नाहीत. असे कंपनीने म्हटले आहे.
कंपनीने शेअर बाजाराला दिलेल्या माहितीत म्हटले आहे की, 'अधिकाऱ्याने वर्ष 2016-17 साठी 739.68 कोटी रुपये आणि मूल्यांकन वर्ष 2017-18 साठी 927.03 कोटी रुपयांची मागणी केली आहे. कंपनीने याविरोधात आयकर आयुक्त (अपील) यांच्याकडे अपील केले आहे.
2026 मध्ये भारतात इलेक्ट्रिक एअर टॅक्सी सुरू करण्याची योजना
नुकतेच असे वृत्त आले की इंटरग्लोब एंटरप्रायझेस 2026 मध्ये देशभरात सर्व-इलेक्ट्रिक एअर टॅक्सी सेवा सुरू करण्याची योजना आखत आहे. आर्चर एव्हिएशनच्या सहकार्याने ही सेवा सुरू करण्याचा विचार आहे.
यासह, इंटरग्लोब-आर्चर फ्लाइटने प्रवाशांना राष्ट्रीय राजधानीतील कॅनॉट प्लेस येथून सुमारे सात मिनिटांत हरियाणातील गुरुग्रामपर्यंत नेण्याचे उद्दिष्ट ठेवले आहे. या 27 किलोमीटरच्या रस्त्याने प्रवास करण्यासाठी एक ते दीड तास लागतो.
दोन्ही कंपन्यांनी भारतात सर्व-इलेक्ट्रिक एअर टॅक्सी सेवा सुरू करण्यासाठी आणि ऑपरेट करण्यासाठी करार केला आहे. मात्र, यासाठी नियामक मंजुरी मिळणे बाकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
