IPL Valuation Rises: इंडियन प्रीमियर लीगचे मूल्यांकन 2024 मध्ये 6.5 टक्क्यांनी वाढून 16.4 अब्ज डॉलर (सुमारे 1,34,858 कोटी रुपये) झाले आहे. अमेरिकन इन्व्हेस्टमेंट बँक हौलिहान लॉकच्या अहवालात ही माहिती देण्यात आली आहे. आयपीएल मूल्यांकन वाढण्यामागे टाटा समूह हे प्रमुख कारण आहे. अहवालानुसार, टाटा समूहाने पुढील पाच वर्षांसाठी (वर्ष 2024 ते वर्ष 2028) सुमारे 300 दशलक्ष डॉलरला (रु. 2,500 कोटी) टायटल स्पॉन्सरशीप विकत घेतली आहे. ही किमत मागील हंगामातील 335 कोटी रुपयांच्या डीलपेक्षा जवळपास 50 टक्के जास्त आहे.
अहवालात असे नमूद केले आहे की टेलिव्हिजन अधिकारांच्या कमाईमुळे फ्रँचायझींच्या कमाईत काही वर्षांमध्ये लक्षणीय वाढ झाली आहे. प्रत्येक संघाची कमाई 50-120 दशलक्ष डॉलर दरम्यान आहे. कतार एअरवेजने रॉयल चॅलेंजर्स बंगलोरसोबत सुमारे 75 कोटींचा तीन वर्षांचा मोठा करार केला आहे.
चेन्नई सुपर किंग्स (CSK) चे ब्रँड मूल्य 231 दशलक्ष डॉलर आहे.
रॉयल चॅलेंजर्स बंगलोर (RCB) चे ब्रँड मूल्य 227 दशलक्ष डॉलर आहे.
कोलकाता नाइट रायडर्स (KKR) चे ब्रँड मूल्य 217 दशलक्ष डॉलर आहे.
मुंबई इंडियन्स (MI) आहे, ज्याची ब्रँड व्हॅल्यू 204 दशलक्ष डॉलर आहे.
राजस्थान रॉयल्स (RR) चे ब्रँड मूल्य 133 दशलक्ष डॉलर आहे.
सनरायझर्स हैदराबाद (SRH) चे ब्रँड मूल्य 132 दशलक्ष डॉलर आहे.
उर्वरित संघांमध्ये, दिल्ली कॅपिटल्स, त्यांचा कर्णधार आणि सर्वात मोठा खेळाडू ऋषभ पंतच्या पुनरागमनासह, 131 दशलक्ष डॉलर्सचे ब्रँड मूल्य आहे.
गुजरात टायटन्सचे ब्रँड मूल्य 124 दशलक्ष डॉलर आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
