JP Morgan CEO praised PM Modi: जेपी मॉर्गन चेसचे अध्यक्ष आणि सीईओ जेमी डिमन यांनी पंतप्रधान नरेंद्र मोदी यांचे कौतुक केले आणि त्यांनी भारतात चांगले काम केले असल्याचे सांगितले. इकॉनॉमिक क्लब ऑफ न्यूयॉर्कने आयोजित केलेल्या एका कार्यक्रमाला संबोधित करताना डिमन यांनी पंतप्रधान मोदींच्या गरिबी निर्मूलन, पायाभूत सुविधांचा विकास आणि नोकरशाही सुधारणा यांसाठी केलेल्या प्रयत्नांची प्रशंसा केली.
जेमी डिमन म्हणाले की, पंतप्रधान मोदींनी 40 कोटी लोकांना गरिबीतून बाहेर काढले आहे आणि ते भारतात "अविश्वसनीय काम" करत आहेत. डिमन यांनी मोदी सरकारने लागू केलेल्या आर्थिक सुधारणांचे कौतुक केले आणि ते म्हणाले की त्यापैकी काही सुधारणा अमेरिकेतही केल्या जाऊ शकतात. अमेरिकेलाही मोदींसारख्या कणखर नेत्याची गरज असल्याचे ते म्हणाले.
डिमन पुढे म्हणाले की, मोदी सरकारने सुमारे 70 कोटी लोकांची बँक खाती उघडली आणि लोकसंख्येच्या एका महत्त्वपूर्ण भागाला अर्थव्यवस्थेशी जोडले. ते म्हणाले की, भारताच्या शिक्षण व्यवस्थेत आणि पायाभूत सुविधांमध्ये लक्षणीय सुधारणा झाल्या आहेत आणि हे केवळ एका व्यक्तीमुळेच शक्य झाले आहे.
नोकरशाहीने तयार केलेले जाळे फोडण्यासाठी कठोर व्हावे लागते आणि मोदी तेच करत आहेत. डिमन यांनी भारताला हवामान बदल आणि कामगार हक्क या विषयावर व्याख्यान देणाऱ्या परदेशी सरकारांचाही समाचार घेतला.
डिमॉन यांनी भारताच्या उदारमतवादी पत्रकारांनाही देखील आरसा दाखवला आहे कारण मोदींनी त्यांची महत्त्वपूर्ण कामगिरी असूनही त्यांच्यावर अनेकदा टीका केली.
ते म्हणाले की, पंतप्रधान मोदींच्या धोरणांमुळे जवळपास 40 कोटी भारतीयांना गरिबीतून बाहेर काढले आहे आणि ही एक मोठी उपलब्धी आहे, जी मान्य करायला हवी. डिमन यांनी आर्थिकबाबतीत भारताने केलेल्या प्रगतीचेही कौतुक केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
