Jupiter Wagons : रेल्वेचे डब्बे बनवणारी कंपनी बनवणार बॅटरीवर चालणारी हलकी गाडी, शेअर मार्केटमध्ये केला विक्रमी उच्चांक

जुपिटर वॅगन्सची उपकंपनी ज्युपिटर इलेक्ट्रिक मोबिलिटी आता बॅटरीवर चालणारी हलकी व्यावसायिक वाहने (एलसीव्ही) तयार करणार आहे. यासाठी त्यांना ऑटोमोटिव्ह रिसर्च असोसिएशन ऑफ इंडियाकडून (ARAI) मान्यता मिळाली आहे.

बॅटरीवर चालणारे हलके व्यावसायिक वाहन JEM TEZ या ब्रँड नावाने तयार केले जाईल. सध्या ज्युपिटर वॅगन्सच्या शेअर्समध्ये वाढ दिसून येत आहे आणि सध्या ते 697 रुपयांवर ट्रेड करत आहेत.

भारतात इलेक्ट्रिक वाहन व्यवसायात वाढ होण्यास भरपूर वाव असल्याचे ज्युपिटर वॅगन्सचे एमडी विवेक लोहिया यांनी म्हटले. ईव्हीच्या किमतीतील फायदे आणि टिकाऊपणामुळे ते तेलावर चालणाऱ्या वाहनांना मागे टाकतील. चार्जिंग स्टेशन्सवर, JEM TEZ वाहन केवळ 20 मिनिटांत शून्य ते 100 टक्के चार्ज केले जाऊ शकते, ज्यामुळे ते सध्याच्या सर्वात वेगवान चार्जिंग वाहनांपैकी एक असेल.

शिवाय ऑनबोर्ड चार्जरसह ते दोन तासांपेक्षा कमी वेळेत पूर्णपणे चार्ज होईल. याशिवाय, GEM 1 टन व्यावसायिक इलेक्ट्रिक वाहन लाँच करणारी पहिली कंपनी बनेल. यात टेलीमॅटिक्सही असेल जे वाहनाच्या आरोग्यावर आणि कामगिरीवर लक्ष ठेवतील.

मार्च तिमाहीत ज्युपिटर वॅगन्सचा स्टँडअलोन निव्वळ नफा वर्षभराच्या तुलनेत दुप्पट वाढून 104.22 कोटी झाला. गेल्या वर्षी 2 जून 2023 रोजी हे शेअर्स 125.20 रुपयांच्या एका वर्षाच्या नीचांकी पातळीवर होते. या स्तरावरून, सुमारे एका वर्षात ती 474 टक्क्यांहून अधिक तेजीसह सध्या ते 697 रुपयांवर पोहोचले, जे त्यांच्या शेअर्ससाठी विक्रमी उच्चांक आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.