Retirement Plan : दरमहा ११ हजार पेन्शन हवी असेल तर या योजनेत लगेच गुंतवणूक करा

मुंबई : सरकारी नोकरी असो वा खासगी नोकरदार, सगळ्यात मोठी चिंता निवृत्तीची असते. निवृत्तीनंतर दर महिन्याला एकरकमी पैसे मिळत राहिले तर आयुष्य आरामात जाते. अशा स्थितीत नोकरी करण्यासोबतच पेन्शनचीही व्यवस्था करणे आवश्यक आहे.

LIC जीवन शांती पॉलिसीमध्ये गुंतवणूक करून तुम्हाला दरमहा ११ हजार रुपयांपर्यंत पेन्शन मिळू शकते. या योजनेत गुंतवणूक केल्यास अनेक फायदे मिळतात. (LIC jeevan shanti policy retirement plan)

यामध्ये गुंतवणूक करून तुम्ही निवृत्तीनंतर निवृत्ती वेतनाचा लाभ घेऊ शकता. LIC ने गेल्या काही महिन्यांत आपल्या नवीन जीवन शांती योजनेसाठी दर सुधारित केले होते. याअंतर्गत आता या योजनेसाठी अर्ज करणाऱ्या नवीन पॉलिसीधारकांना अधिक व्याज मिळणार आहे. या योजनेअंतर्गत तुम्ही मर्यादित गुंतवणुकीत अधिक नफा मिळवू शकता.

अशा प्रकारे तुम्हाला पेन्शन मिळेल

LIC ची नवीन जीवन शांती पॉलिसी एक नॉन लिंक्ड प्लॅन आहे. यामध्ये तुम्हाला वार्षिक प्रीमियम भरावा लागेल. पॉलिसीधारकाला पेन्शन कधी घ्यायची आहे याचेही पर्याय प्लॅनमध्ये उपलब्ध आहेत. ५, १०, १५ किंवा २० वर्षांनंतर तुम्ही याचा लाभ घेऊ शकता.

पेन्शन ग्राहकाने निवडलेल्या वेळेनुसार सुरू होईल. एलआयसीच्या या प्लॅनमध्ये तुम्हाला दरमहा पेन्शन मिळते. या योजनेत गुंतवणूक करून तुम्हाला दरमहा ठराविक रक्कम मिळू शकते. ज्यांना एकरकमी रक्कम जमा करून तात्काळ पेन्शन मिळवायचे आहे ते देखील याचा लाभ घेऊ शकतात.

योजनेनुसार, सिंगल लाइफसाठी डिफर्ड अॅन्युइटीच्या बाबतीत, तुम्हाला १० लाख रुपयांची पॉलिसी खरेदी करून ११ हजार १९२ रुपये मासिक पेन्शन मिळू शकते. डिफर्ड अॅन्युटीसाठी मासिक पेन्शन रु. १० हजार ५७६ असू शकते.