Coal India Divestment: सरकार कोल इंडियामधील तीन टक्के हिस्सा विकणार आहे. सरकारने बुधवारी कोल इंडियामधील तीन टक्क्यांपर्यंतचा हिस्सा विकण्याचा प्रस्ताव दिला आहे. 1 जूनपासून ऑफर फॉर सेलद्वारे या स्टेकची विक्री केली जाईल.
किरकोळ आणि गैर-किरकोळ गुंतवणूकदारांसाठी 1 आणि 2 जून रोजी ऑफर फॉर सेल (OFS) सुरू राहणार असल्याचे कंपनीने शेअर बाजाराला सांगितले. कोल इंडियाने सांगितले की, ऑफर अंतर्गत कंपनीचे 9.24 कोटी शेअर्स किंवा 1.5 टक्के शेअर्स विकले जातील.
याशिवाय, अतिरिक्त बोली मिळाल्यास आणखी एवढीच रक्कम (ग्रीन शू ऑप्शन) विकण्याचा पर्याय आहे.
केंद्र सरकार सध्या कोळसा उत्पादक कंपनीच्या 1.5 टक्के शेअर्ससाठी 9.24 कोटी शेअर्स विकण्याचा प्रस्ताव ठेवत आहे. याशिवाय, कंपनीकडे अतिरिक्त 9,24,40,924 (1.50 टक्के) इक्विटी शेअर्स विकण्याचा पर्याय असेल.
ऑफर फॉर सेल (OFS) काय आहे?
ऑफर फॉर सेल हा एक सोपा मार्ग आहे ज्याद्वारे सार्वजनिक कंपन्यांचे प्रमोटर एक्सचेंज प्लॅटफॉर्मद्वारे शेअर्स विकू शकतात आणि त्यांचे होल्डिंग कमी करू शकतात.
कोल इंडिया लिमिटेड (CIL) ही एक सरकारी कोळसा खाण कंपनी आहे जी नोव्हेंबर 1975 मध्ये निर्माण करण्यात आली. स्थापनेच्या वर्षात 79 दशलक्ष टन (MTs) च्या माफक उत्पादनासह, CIL आज जगातील सर्वात मोठी कोळसा उत्पादक कंपनी आहे.
CIL भारतातील आठ राज्यांमध्ये 84 खाण क्षेत्रांमध्ये तिच्या उपकंपन्यांद्वारे कार्यरत आहे. 1 एप्रिल 2020 पर्यंत, कंपनीकडे 352 खाणी आहेत.
CIL च्या 26 प्रशिक्षण संस्था आणि 84 व्यावसायिक प्रशिक्षण केंद्रे आहेत. इंडियन इन्स्टिट्यूट ऑफ कोल मॅनेजमेंट (IICM) एक अत्याधुनिक व्यवस्थापन प्रशिक्षण 'सेंटर ऑफ एक्सलन्स' म्हणून - भारतातील सर्वात मोठी कॉर्पोरेट प्रशिक्षण संस्था CIL अंतर्गत कार्यरत आहे.
सीआयएलच्या ईस्टर्न कोलफिल्ड्स लिमिटेड (ECL), भारत कोकिंग कोल लिमिटेड (BCCL), सेंट्रल कोलफिल्ड्स लिमिटेड (CCL), वेस्टर्न कोलफिल्ड्स लिमिटेड (WCL), साउथ इस्टर्न कोलफिल्ड्स लिमिटेड (SECL), नॉर्दर्न कोलफिल्ड्स लिमिटेड (NCL) आणि महानदी कोलफिल्ड्स लिमिटेड (MCL) या सात उत्पादक उपकंपन्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
