Reliance Petrol Pump Dealership : रिलायन्स पेट्रोलियम हा रिलायन्स इंडस्ट्रीजच्या मुख्य व्यवसायांपैकी एक आहे. हा व्यवसाय 1991 मध्ये सुरू झाला. रिलायन्सची गुजरातमध्ये जगातील सर्वात मोठी रिफायनरी आहे. ही रिफायनरी दररोज सुमारे 1.24 दशलक्ष बॅरल उत्पादन करते.
कंपनीचे देशभरात 64,000 हून अधिक पेट्रोल पंप आहेत. विशेष म्हणजे तुम्ही रिलायन्स पेट्रोल पंपाची डीलरशिप देखील घेऊ शकता आणि लाखो रुपये कमवू शकता. रिलायन्स पेट्रोल पंपाची डीलरशिप मिळविण्यासाठी काय करावे लागेल हे जाणून घेऊया.
अशा प्रकारे उघडू शकता पेट्रोल पंप?
सर्वप्रथम Jio-BP https://partners.jiobp.in/ च्या अधिकृत लिंकवर जा.
यानंतर, तुम्हाला या पेजवर एक्सप्रेशन ऑफ इंटरेस्ट सबमिट करावे लागेल. इथे तुमच्या समोर एक पेज उघडेल. इथे तुम्हाला तुमचे नाव, मेल आयडी, मोबाईल नंबरचे सर्व तपशील भरावे लागतील.
त्यानंतर नोंदणी करणे आणि व्यवसायासाठी अर्ज करणे. यासाठी, अर्जदारांना वेबसाइट स्क्रीनच्या वरच्या उजव्या कोपर्‍यात आमच्याशी संपर्क साधा चिन्हावर जावे लागेल
यानंतर स्क्रीनवर एक फॉर्म दिसेल. अर्जदारांना व्यवसायाशी संबंधित त्यांचे सर्व वैयक्तिक तपशील तसेच व्यवसायासाठी जमिनीचा आकार आणि स्थान देखील भरावे लागेल.
कंपनी पूर्ण केलेल्या फॉर्मचे पुनरावलोकन करेल आणि प्रक्रिया पुढे नेण्यासाठी कंपनीचा प्रतिनिधी अर्जदाराशी संपर्क साधेल.
पेट्रोलियमच्या बांधकामासाठी कच्चा माल, बांधकाम साहित्य आणि अगदी ब्रँडचे फर्निचर, स्टँड, पीओएस मशीन, उपकरणे इत्यादी दाखवावे लागतील.
बांधकामावर लक्ष ठेवण्यासाठी रिलायन्स पेट्रोलियमच्या कर्मचाऱ्यांकडून वेळोवेळी तपासणी केली जाईल. फ्रँचायझीला प्रमाणपत्र देण्यापूर्वी पंप कर्मचाऱ्यांची मुलाखत घेतली जाईल. त्यानंतर अर्जदार काम सुरू करू शकतो.
'या' गोष्टी आवश्यक असतील
मुकेश अंबानींच्या कंपनीचा पेट्रोल पंप उघडण्यासाठी तुमच्याकडे किमान 800 स्क्वेअर मीटर जागा आणि 3 पंप व्यवस्थापक असावेत. स्वच्छतागृह असणे आवश्यक असून त्यासाठी किमान 70 लाख रुपयांचे बजेट लागणार आहे.
जर तुम्ही हायवेवर रिलायन्स पेट्रोल पंप उघडत असाल तर त्यासाठी किमान 1,500 स्क्वेअर मीटर जमीन असणे आवश्यक आहे. हवा भरण्यासाठी 2 कामगार असणे आवश्यक आहे. पेट्रोल भरण्यासाठी किमान 8 कामगार असणे आवश्यक आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
