सबस्क्राईब करा
Reliance Industries Employees: देशात आणि जगात वाढत्या आर्थिक मंदी दरम्यान एक धक्कादायक माहिती समोर आली आहे. देशातील दिग्गज कंपनी रिलायन्स इंडस्ट्रीजमध्ये गेल्या वर्षभरात मोठ्या प्रमाणात खर्चात कपात करण्यात आली आहे. कंपनीने आपल्या वार्षिक सर्वसाधारण अहवालात कर्मचारी संख्या कमी करण्याबाबत सांगितले आहे.
कंपनीने म्हटले आहे की रिलायन्स इंडस्ट्रीजमध्ये 2023 च्या आर्थिक वर्षात एकूण कर्मचाऱ्यांची संख्या 3,89,000 होती, जी 2024 मध्ये कमी होऊन 3,47,000 झाली आहे. रिलायन्स ग्रुपने रिलायन्स रिटेल वर्टिकलमध्ये जास्तीत जास्त खर्चात कपात केली आहे.
रिलायन्स इंडस्ट्रीजने आर्थिक वर्ष 24 मध्ये त्यांची संख्या सुमारे 11% किंवा 42,000 ने कमी केली RIL च्या ताज्या वार्षिक अहवालानुसार, नवीन भरतीची संख्या एक तृतीयांश पेक्षा कमी होऊन 1,70,000 झाली आहे.
समूहाच्या कर्मचाऱ्यांच्या कपातीचा एक मोठा भाग किरकोळ व्यवसायात होता, ज्याचा वाटा गेल्या आर्थिक वर्षात RIL च्या 2,07,000 कर्मचाऱ्यांपैकी सुमारे 60% होता, जो FY23 मध्ये 2,45,000 होता. Jio ने देखील आपल्या कर्मचाऱ्यांची संख्या FY24 मध्ये 90,000 पर्यंत कमी केली.
कर्मचाऱ्यांना पुरवल्या जाणाऱ्या सुविधांवरील खर्चात 3% वाढ झाली असून तो 25,699 कोटी रुपयांवर पोहोचला आहे. म्हणजे कंपनीवर इतक्या रुपयांचा अतिरिक्त भार आहे.
यापूर्वी, जानेवारी-मार्च तिमाहीत कंपनीने विक्रमी 18,951 कोटी रुपयांची कमाई केली होती. कंपनीच्या निव्वळ नफ्यात तिमाही आधारावर 20 टक्क्यांनी घट झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
